09.09.2026 | 11:42
Ծովինար Վարդանյանը՝ ԱԺ ֆինանսավարկային և բյուջետային հարցերի մշտական հանձնաժողովի փոխնախագահ
Ադրբեջանցիները գալով Ղարաբաղ՝ կհրահրեն կռիվներ, կդատեն մարդկանց, կճնշեն հայ լինելու փաստը․ Հրանուշ Խառատյան. ՏԵՍԱՆՅՈՒԹ
Քաղաքականություն
06.04.2023 | 20:47
Ազգագրագետ Հրանուշ Խառատյանը Factor TV-ի հարցազրույցում ասում է, որ Ադրբեջանը վարում է Լեռնային Ղարաբաղը հպատակեցնելու քաղաքականություն, ինչը, ի վերջո, կարող է բերել էթնիկ զտման․ «Ադրբեջանն ուժ է ցուցադրում՝ ոչնչացնելու ԼՂ-ի կամքը՝ այնտեղ ապրելու, ինչպես նաև կամարտահայտման շանսը՝ խաղաղության առաջիկա պայմանագրում ամրագրելու։ Նա կարծում է՝ ինչքան ծանր իրավիճակ լինի, այնքան շատ դուրս կգան ԼՂ-ից, քիչ կլինեն ապրողները և կամարտահայտման հավանական պրոցեսում շատ ադրբեջանցի կներգրավվի։ Դա կնշանակի, որ կամարտահայտումը մեկ լուծում ունենա»։
Ազգագրագետը չի պատկերացնում Արցախն Ադրբեջանի կազմում, մի մոդել, որը, ըստ նրա, «միջազգայինների ուղեղում է»։ Հրանուշ Խառատյանը հիշեցնում է 20-րդ դարի ընթացքում Ադրբեջանի կոշտ քաղաքականությունը հայերի նկատմամբ, և կանխատեսում, որ նույն կերպ կվարվի Բաքուն՝ ունենալով ուղիղ իշխանություն Լեռնային Ղարաբաղի վրա․ ադրբեջանցիները, գալով Ղարաբաղ, ճնշելու են հայերի՝ հայ լինելու փաստը, հրահրելու են կռիվներ, մարդկանց դատելու են շինծու մեղադրանքներով։
Սա, ըստ ազգագրագետի, նշանակում է, որ Ադրբեջանի իշխանության տակ ԼՂ-ի հայերի կյանքը չպիտի կազմակերպվի․ խաղաղությունը հնարավոր է այդպես։
Հարցազրույցն ամբողջությամբ՝ տեսանյութում։
Ռոբերտ Անանյան
