Քաղաքականություն
20.03.2023 | 14:31ԱԺ նախագահ Ալեն Սիմոնյանը Արցախի՝ Ադրբեջանին վերաինտեգրվելու հնարավորությունը չի տեսնում։ Այս մասին այսօր նա հայտարարեց խորհրդարանում լրագրողների հետ զրույցում
«Մեծ, շատ մեծ ճանապարհ պետք է անցնի, որ այդպիսի բան հնարավոր լինի։ Անկեղծ ասած՝ ես այսօր ես նման բան հնարավորություն չեմ տեսնում»,–
Անդրադառնալով Արցախի խորհրդարանի բոլոր հինգ խմբակցությունների հայտարարությանը, որում նրանք Հայաստանի իշխանություններից պահանջում էին կասկածի տակ չդնել Արցախի ժողովրդի ինքնորոշման իրավունքը, Ալեն Սիմոնյանը նշեց, որ իրենք որևէ իրավունք կասկածի տակ չեն դնում, այլ խոսում են իրավունքների իրականացման հնարավորության մասին։
«30 տարի մենք գնացել ենք այն ճանապարհով, որը բոլորիս հայտնի է ու տեսել ենք՝ ինչ արդյունք ենք ունեցել։ Հիմա Արցախի իշխանությունները հնարավորություն ունեն իրենք զբաղվել իրենց իրավունքներով։ Կտեսնենք, թե Լեռնային Ղարաբաղի իշխանության արտաքին քաղաքական վեկտորը ինչ փոփոխություններ կապրի, և ուր կտանի էդ վեկտորը, իսկ մենք սատար կկանգնենք»,- նշեց Սիմոնյանը։
Մանրամասները՝ տեսանյութում։
