15.12.2025 | 17:11
Միքայել արքեպիսկոպոս Աջապահյանը բերվեց դատարան. ՏԵՍԱՆՅՈՒԹ
Ստամբուլում ոգեկոչել են Հրանտ Դինքի հիշատակը․ ԼՈՒՍԱՆԿԱՐՆԵՐ
Քաղաքականություն
19.01.2023 | 21:46
Պոլսահայ լրագրող, «Ակոս» թերթի գլխավոր խմբագիր Հրանտ Դինքի մահվան 16-րդ տարելիցի կապակցությամբ մարդիկ հավաքվել են այն շենքի առաջ, որտեղ 2007 թվականի հունվարի 19-ին սպանվել է հայ լրագրողը։
Թուրքական լրատվամիջոցների հաղորդմամբ՝ քաղաքացիները Դինքի սպանության վայրում թողել են կարմիր մեխակներ, «Ակոս» թերթ, մոմեր և նուռ։ Արարողության ժամանակ հայերենով ու թուրքերենով հնչել է «Սարի աղջիկ» ստեղծագործությունը։ Շենքին կախված է եղել Դինքի լուսանկարը՝ «Քո հավատը, հույսն ու քաջությունը մեզ հետ են։ Մենք քեզ հետ ենք, Ախպարիկ։ Մենք այստեղ ենք արդեն 16 տարի» գրությամբ։
Հիշատակի միջոցառման մասնակիցները եղել են քրդերեն, հայերեն և թուրքերեն պաստառներով՝ «Արդարություն Հրանտի համար», «Մենք բոլորս Հրանտ ենք, մենք բոլորս Հայ ենք»։
Մասնակիցները նաև թուրքերենով և հայերենով վանկարկումներ են հնչեցրել՝ «Մենք այստեղ ենք, Ախպարիկ», «Այս գործը չի ավարտվի, մինչև չասենք, որ վերջացել է», «Հրանտի համար, հանուն արդարության», «Մենք բոլորս Հրանտ ենք, բոլորս հայ ենք», «Կեցցե Ժողովուրդների եղբայրությունը», «Դու իմ եղբայր Հրանտ ես, չնայած ֆաշիզմին», «Մարդասպանները պատասխանատվության են ենթարկվելու»։
Էմմա Չոբանյան
