Ընդդիմությունն ու իշխանությունն ինչի՞ շուրջ պետք է բանակցեն. Արմեն Ռուստամյան․ ՏԵՍԱՆՅՈՒԹ

Լուրեր

19.11.2026 | 11:00
Արմավիր համայնքի ղեկավարը ևս դատի է տվել Իրինա Յոլյանին․ պահանջում է ԱԺ ամբիոնից հերքում և 3 մլն դրամ
19.11.2026 | 10:51
Ուկրաինան կրկին հարվածել է Ղրիմի կամրջին․ երթևեկությունը դադարեցված է
19.11.2026 | 10:43
Total Chess. Հայկ Մարտիրոսյանն ու Լևոն Արոնյանը հաղթանակներ են տարել
19.11.2026 | 10:33
Թրամփն ու Պուտինը բանակցություններ են անցկացրել․ հայտնի է՝ ինչ հարցեր են քննարկել
19.11.2026 | 10:25
Մեկնարկել է կենսաթոշակառուների՝ անկանխիկ գործարքների դիմաց հոկտեմբեր ամսվա հետվճարների տրամադրումը
19.11.2026 | 10:10
Արտարժույթների փոխարժեքները՝ նոյեմբերի 19-ի դրությամբ
19.11.2026 | 10:07
Հրանտ-Լեոն Ռանոսը դուբլի հեղինակ է դարձել Իսպանիայի գավաթի խաղում. ՏԵՍԱՆՅՈՒԹ
19.11.2026 | 10:00
ԱԺ-ն քննարկում է 2027 թվականի բյուջեի նախագիծը. ՈՒՂԻՂ
19.11.2026 | 09:45
ՀՀ տարածքում ավտոճանապարհները հիմնականում անցանելի են
19.11.2026 | 09:34
Ալեն Սիմոնյանի ճեպազրույցը. ՈՒՂԻՂ
19.11.2026 | 09:03
Անհետ կորած անձանց ճակատագիրը․ մարդասիրական երկխոսություն և համագործակցություն. ՈՒՂԻՂ
18.11.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
18.11.2026 | 23:16
Աբրահամ Խաշմանյանը վերադարձել է մարզչական աշխատանքի
18.11.2026 | 23:03
Ադրբեջանի իշխանությունները պետք է անհապաղ և անվերապահորեն ազատ արձակեն խոսքի ազատության իրավունքն իրացնելու համար բանտարկվածներին․ Amnesty International
18.11.2026 | 22:51
Հայտնի են հոգեբանների և արտադպրոցական հաստատությունների մանկավարժների կամավոր ատեստավորման օրերը
Բոլորը

«Մեր նպատակը պետք է լինի համախմբումը։ Այն, ինչ Տեր-Պետրոսյանն է ասում, և իր տեքստի մեջ գլխավոր հարցն այդ համախմբման խնդիրն էր»,- այսօր լրագրողների հետ զրույցում այս մասին ասաց «Հայաստան» խմբակցության պատգամավոր Արմեն Ռուստամյանը՝ անդրադառնալով ՀՀ առաջին նախագահ Լևոն Տեր-Պետրոսյանի՝ երեկ Հանրային հեռուստաընկերության եթերում արված հայտարարություններին։

«Բայց մյուս մասն անհասկանալի էր։ Օրինակ՝ եթե ընդդիմությունն ու իշխանությունը պետք է գնան երկխոսության, լավ, գնան, բայց ինչի՞ շուրջ։ Այդ հարցն ինքը, եթե չասեմ՝ արհեստական կամ իրեն բնորոշ ոճով շրջանցեց, այդ հարցին չանդրադարձավ։ Իսկ ինչ վերաբերում է, որ գնանք Նիկոլ Փաշինյանին հարցնենք, թե ինչ տարբերակներ ունի, ապա Նիկոլ Փաշինյանի բոլոր տարբերակները տանելու են նույն տեղը՝ կապիտուլյացիա»։

Ինչ վերաբերում է Տեր-Պետրոսյանի կարծիքին, ըստ որի՝ կապիտուլյացիան անխուսափելի է, Ռուստամյանը նկատեց, որ Տեր-Պետրոսյանն այդ անխուսափելիությունից խոսում է 90-ականներից․ «Անխուսափելի է, մենք պետք է հանձնվենք, որ կարողանանք այստեղ ապրենք։ Հետո գնում եք Նիկոլ Փաշինյանի հետ ճշտենք, թե ո՞րն է ավելի ցավալին։ Այսինքն, Նիկոլ Փաշինյանն այդքան ցավի զգացում չունի՞, որ ինքը որոշի՝ որն է ավելի քիչ ցավալի։ Թող ինքն էլ ընտրի։ Ես գնում եմ որ ի՞նչ, օգնե՞մ իրեն, որ զգա, թե որն է ավելի ցավալի՞։ Դուրս է գալիս, որ ինքն եկել է այդ հանդիպմանը՝ համոզելու մնացած բոլորին, որ եկեք հանձնվենք, գնանք , տեսնենք Նիկոլին ցույց տանք՝ որն է ցավալին, որն՝ անցավալին, որ դա էլ է ամենացավալին, բայց եկեք կապիտուլացվենք։ Աբսուրդի մեջ ենք հայտնվել։ Այս աստիճանի նսեմացված վիճակ ես չեմ պատկերացնում։ Բայց ասեմ, որ իրենք սկսել են հավաքվել, լուրջ պատասխանատվության տակ են մտել, ի վերջո պարտավոր են ապացուցել, որ մեր ազգը կարող է համախմբվել»։

Ռուստամյանի խոսքով՝ սեղանին դրված է կապիտուլյացիայի փաստաթուղթ․ «Դա նշանակում է, որ դու կկորցնես այնքան, որ քո գոյություն ունենալը պարզապես նոմինալ գոյություն է, պետություն կլինի անունով, բայց բովանդակային առումով կկորցնի իր անկախությունն ու ինքնիշխանությունը պահպանելու կարողությունը։ Այսինքն՝ պետությունն այլևս իր դերը չի կատարի ազգը պահպանելու առումով»։ Նա ասաց, որ Լևոն Տեր-Պետրոսյանի՝ հարցազրույցում հնչեցրած մյուս բոթն այն է, որ մենք պետք է մոռանանք Արցախը, Հայաստանն այլևս կապ չունի Արցախի հետ․ «Ինչ-որ տեղ ճիշտ է ասում։ Հայաստանն այսօր մնացել է ֆինանսավորողի կարգավիճակում։ Այն էլ նրա համար, որ ավելի լավ է այնտեղ մնան արցախահայերը, քան գան այստեղ խնդիրներ ստեղծեն»։

Մանրամասները՝ տեսանյութում։