05.07.2026 | 12:54
Առանձնատանը կից շոգեբաղնիքում հրդեհ է բռնկվել․ դեպքի վայր է մեկնել 3 մարտական հաշվարկ
Կեղծ վարորդականներ, մեղմացվող տույժեր․ ինչ խնդիր կլուծի տուգանային 9 միավորը 13 դարձնելը. ՏԵՍԱՆՅՈՒԹ
Քաղաքականություն
04.04.2025 | 20:15
Թեև Նիկոլ Փաշինյանին հունից հանում են վարորդների վարելու ունակություններն ու կեղծ վկայականները, կառավարական համարանիշներով մեքենան կոպիտ ձևով խախտում է երթևեկության կանոնները։ Երեկ տարածվեց տեսանյութ, որտեղ մեքենան երթևեկում է հանդիպակաց երթևեկելի գոտիով և կարմիր լույսի տակ՝ վտանգելով հետիոտների կյանքը։
Մայիսի 1-ից վարորդների տուգանային 9 բալային համակարգից անցում կկատարվի 13 բալային համակարգի։ Քաղաքացիական ակտիվիստ Արտակ Գաբոյանի գնահատմամբ՝ սրանով խրախուսում ենք օրինախախտ վարորդներին։ Նա նշում է՝ Կառավարությունն առաջին նման մեղմացումը դեռ մեկ տարի առաջ է արել, երբ կանգառի խախտման տուգանային միավորը 0,5 բալից դարձավ 0,25։
Ներքին գործերի նախարարությունից Factor TV-ին փոխանցեցին, որ Հայաստանում վարորդական իրավունք ունի 855,207 քաղաքացի։ Ոստիկանության վարչական իրավախախտումների հաշվառման համակարգչային շտեմարանի տվյալների համաձայն՝ բալային համակարգի ներդրումից մինչև 2025 թվականի մարտի 31-ը 14,623 քաղաքացու վարորդական իրավունք կասեցվել է։ Այսինքն՝ վարորդական իրավունք ունեցող քաղաքացիների շուրջ 6 տոկոսը վերջին հինգ տարիներին մեկ անգամ զրկվել է վարորդական իրավունքից։ 500-ից ավելի վարորդ տուգանային միավորները նույն տարում կրկնակի սպառել է։ Ամենաշատ կասեցումն արձանագրվել է 2021 թվականին՝ ավելի քան 4800 վարորդ զրկվել է վարորդական իրավունքից։
Եվ մինչ իշխանությունը նոր նախագծով փորձում է սիրաշահել վարորդներին՝ ավելացնելով խախտումների համար հանվող տուգանային բալերը, Factor TV-ն այսօր մայրաքաղաքի Սարյան փողոցում արձանագրել է, թե ինչպես է պարեկային ծառայության մեքենան կայանել ճանապարհի չթույլատրված հատվածում։
Մանրամասները՝ տեսանյութում։
Անի Թամրազյան
