13.01.2026 | 23:28
ՆԳՆ շրջիկ սպասարկման գրասենյակները ծառայություններ կմատուցեն Գեղարքունիքի և Վայոց ձորի մարզերում
Թուրքիան Իսրայելի հետ առճակատում չի ուզում և չի ցանկանում տեսնել Իրանի դեմ որևէ հարձակում․ Ֆիդան
Քաղաքականություն
04.04.2025 | 23:00
Թուրքիան չի ցանկանում Իսրայելի հետ առճակատում Սիրիայում այն բանից հետո, երբ իսրայելական բազմակի հարձակումները երկրում ռազմական օբյեկտների վրա խաթարեցին սպառնալիքները զսպելու՝ սիրիական նոր կառավարության կարողությունը։ Այս մասին Reuters-ին ասել է Թուրքիայի արտգործնախարար Հաքան Ֆիդանը։
Բրյուսելում ՆԱՏՕ-ի ԱԳ նախարարների հանդիպման շրջանակում տված հարցազրույցում Ֆիդանն ասել է, որ Իսրայելի գործողությունները Սիրիայում, որտեղ նախագահ Ահմեդ ալ-Շարաայի վարչակազմը Թուրքիայի մերձավոր դաշնակիցն է, հող են նախապատրաստում ապագա տարածաշրջանային անկայունության համար:
«Եթե Դամասկոսի նոր վարչակազմը ցանկանում է որոշակի պայմանավորվածություններ հաստատել Իսրայելի հետ, դա նրանց որոշումն է»,- ասել է Ֆիդանը՝ նշելով, որ Իսրայելը, ինչպես և Թուրքիան, Սիրիայի հարևանն է։
Պատասխանելով Իրանի դեմ ռազմական հարվածներ հասցնելու՝ ԱՄՆ նախագահ Դոնալդ Թրամփի սպառնալիքների մասին հարցին՝ Ֆիդանն ասել է, որ վեճը լուծելու համար անհրաժեշտ է դիվանագիտություն, և որ Անկարան չի ցանկանում տեսնել իր հարևան Իրանի դեմ որևէ հարձակում:
Հավելենք, որ Իսրայելն ավիահարվածներ է հասցրել սիրիական Դամասկոս, Համա և Հոմս քաղաքների ռազմական ավիաբազաներին և ենթակառուցվածքներին։ Ըստ իսրայելական պաշտոնյաների՝ դրանով ուղերձ է հղվել Թուրքիային, որը քայլեր է ձեռնարկում՝ իր վերահսկողության տակ առնելու Սիրիայի T4 ռազմավարական ավիաբազան։
Թարգմանությունը՝ Էմմա Չոբանյանի
