08.11.2026 | 16:23
Փաշինյանն արձագանքել է Կրակովում տեղի ունեցած ողբերգությանը
Փաշինյանն արձագանքել է Կրակովում տեղի ունեցած ողբերգությանը
Քաղաքականություն
08.11.2026 | 16:23
Խորապես ցավում եմ Կրակովում տեղի ունեցած ողբերգության կապակցությամբ։ Այս մասին X-ի իր միկրոբլոգում գրել է վարչապետ Նիկոլ Փաշինյանը։
«Իմ անկեղծ ցավակցությունն եմ հայտնում զոհերի ընտանիքներին և շուտափույթ ապաքինում մաղթում բոլոր վիրավորներին»,-նշել է նա։
Հիշեցնենք՝ Լեհաստանի Կրակով քաղաքի պատմական կենտրոնում նոյեմբերի 7-ին տեղի հրաձգության է տեղի ունեցել, զոհերի թիվը հասել է վեցի, ևս 15 մարդ վիրավորվել է, այդ թվում՝ երկու ոստիկան։
Հրաձգություն իրականացնելու մեջ կասկածվող տղամարդու բնակարանում հայտնաբերված երեք դիերը պատկանում են նրա ծնողներին և քրոջը։ Զոհերը 53-ամյա տղամարդ են և 52 ու 21 տարեկան երկու կին։ Նրանց մարմինների վրա հայտնաբերվել են հրազենային վնասվածքներ։ Օստրովեց Սվետոկշիսկի քաղաքում գտնվող բնակարանից առգրավվել է յոթ միավոր զենք։ Խուզարկությունները շարունակվում են։
Ձերբակալվածին դեռ մեղադրանք չի առաջադրվել։ Նա գտնվում է հիվանդանոցում, իսկ դատախազությունը նախատեսում է առաջիկա օրերին հարցաքննել նրան։
Լեհաստանում նոյեմբերի 8-ը և 9-ը հայտարարվել են համազգային սգո օրեր։
