09.10.2026 | 22:14
Հայաստանի մի շարք հասցեներում էլեկտրաէներգիայի անջատումներ կլինեն
Պաշտոնական Երևանը պետք է որոշի, թե որտեղ է ավելի լավ լինել. Գալուզինը՝ ԵՄ-ին ՀՀ անդամակցելու գործընթացի մեկնարկի մասին
Քաղաքականություն
04.04.2025 | 23:29
ՌԴ արտաքին գործերի փոխնախարար Միխայիլ Գալուզինը մեկնաբանությամբ է հանդես եկել Հայաստանի Հանրապետությունում Եվրոպական միությանն անդամակցելու գործընթացի մեկնարկի մասին օրենքի դիտարկման կապակցությամբ։ Այս մասին հայտնում են ՀՀ-ում ՌԴ դեսպանությունից։
«Մենք համոզված ենք, որ անհնար է միաժամանակ գտնվել երկու տարբեր ուղղվածություններ ունեցող միավորումներում, ինչպես ԵԱՏՄ-ն և Եվրամիությունն է։ ԵԱՏՄ-ն իրավահավասար պետությունների միավորում է, իսկ ԵՄ-ն մի կառույց է, որտեղ տիրում է գավազանի կարգապահությունը, որը ենթարկվում է բրյուսելյան բյուրոկրատների կողմից թելադրված իրականությունից կտրված հակառուսական նարատիվներին: Պաշտոնական Երևանը պետք է որոշի, թե որտեղ է ավելի լավ լինել: Մենք հույս ունենք, որ ԵԱՏՄ-ին անդամակցության բոլոր օգուտները և ԵԱՏՄ-ի հետ խզման հետևանքով կորուստների մասշտաբները կբացատրվեն հայ հասարակությանը, որպեսզի այն ունենա իրականության օբյեկտիվ պատկերացում»,- ասել է նա։
Հիշեցնենք՝ ՀՀ նախագահը ստորագրել է ԵՄ-ին ՀՀ-ի անդամակցելու գործընթացի մեկնարկի մասին օրենքը։
