15.04.2025 | 17:08
ԵՄ-Հայաստան հաղորդակցության հարթակը կօգնի քաղաքացիներին ավելի լավ ըմբռնել համագործակցության առավելությունները
Ադրբեջանը, Թուրքիան, Վրաստանն ու Բուլղարիան կանաչ էներգետիկ միջանցքի մասին հուշագիր են ստորագրել
Քաղաքականություն
04.04.2025 | 22:42
Ադրբեջանի, Վրաստանի, Թուրքիայի և Բուլղարիայի միջև Բաքվում ստորագրվել է «Կանաչ էներգետիկ միջանցքի» շրջանակում փոխըմբռնման հուշագիր։ Այս մասին ասված է Ադրբեջանի Էներգետիկայի նախարարության հաղորդագրության մեջ։
«Ադրբեջանի, Վրաստանի, Թուրքիայի և Բուլղարիայի էներգետիկայի նախարարներն ուրբաթ օրը ստորագրել են կանաչ էներգիայի ոլորտում համագործակցության հուշագիր՝ դրանով իսկ սկսելով կանաչ էներգետիկ նոր միջանցքի ստեղծման գործընթացը»,- ասվում է հայտարարության մեջ։
Փաստաթղթի ստորագրումը տեղի է ունեցել Բաքվում Հարավային գազային միջանցքի խորհրդատվական խորհրդի շրջանակում 11-րդ նախարարական հանդիպման և Կանաչ էներգետիկայի խորհրդատվական խորհրդի նախարարների 3-րդ հանդիպման շրջանակում։
Հուշագրի նախագիծը 4 երկրների միջև համաձայնեցվել է 2025 թվականի փետրվարի 7-ին։ Փաստաթուղթը ստորագրվել է երեք տարի ժամկետով՝ հետագայում երեք տարի ժամկետով ավտոմատ երկարաձգման հնարավորությամբ, եթե կողմերից ոչ մեկը չհայտարարի այն դադարեցնելու մասին։
Փաստաթղթի համաձայն՝ չորս երկրների էներգետիկայի նախարարությունները կօգնեն ամրապնդել համագործակցությունը պետական և մասնավոր հատվածների միջև՝ ուսումնասիրելու էներգետիկ համակարգերի արդիականացման և էլեկտրաէներգիայի փոխանցման և առևտրի հնարավորությունների ընդլայնմանն ուղղված համատեղ ներդրումային ծրագրերի իրականացման հնարավորությունները։
Թարգմանությունը՝ Էմմա Չոբանյանի
