13.01.2026 | 23:28
ՆԳՆ շրջիկ սպասարկման գրասենյակները ծառայություններ կմատուցեն Գեղարքունիքի և Վայոց ձորի մարզերում
Դնեպրում մեքենայի պայթյունի հետևանքով ուկրաինացի պաշտոնյա է զոհվել. քննությունը պայթյունը չի բացառել ռուսական հատուկ ներգրավվածությունը միջադեպին
Քաղաքականություն
04.04.2025 | 20:22
Ուկրաինական Դնեպրում մեքենայի պայթյունի հետևանքով զոհվել է Լևոբերեժնոյի քաղաքային վարչակազմի ղեկավար Յուրի Ֆեդկոն։ Այս մասին հայտնում է «Առաջարկություն» կուսակցության մամուլի ծառայությունը, որի անդամ էր պաշտոնյան, փոխանցում է Current time-ը։
Դեպքը տեղի է ունեցել ապրիլի 4-ին՝ ժամը 07:40-ի սահմաններում։ Ֆեդկոն և նրա կինը մեքենայի մեջ են եղել։ Մի քանի ժամ անց պաշտոնյան հիվանդանոցում մահացել է։
Հարուցվել է քրեական գործ՝ ահաբեկչության հոդվածով (Քրեական օրենսգրքի 258-րդ հոդվածի 3-րդ մասով)։
Քննիչները դիտարկում են երեք վարկած՝ ՌԴ հատուկ ծառայությունների պատվիրած հանցագործություն՝ պետությունում իրավիճակն ապակայունացնելու նպատակով, զոհի և հնարավոր հանցագործի թշնամական հարաբերություններ և տուժողի մասնագիտական գործունեություն։
Ոստիկանությունը հայտնում է, որ կատարվել է դեպքի վայրի զննություն, հավաքագրվել են իրեղեն ապացույցներ, ձեռնարկվում են քննչական և օպերատիվ միջոցառումներ՝ հանցագործության բոլոր հանգամանքները պարզելու և բացահայտելու ուղղությամբ։
Թարգմանությունը՝ Էմմա Չոբանյանի
