08.09.2026 | 20:02
Անդրանիկ Թևանյանի խափանման միջոցը երկարացվել է 3, Արեգնազ Մանուկյանինը՝ 1 ամսով
Էրդողանի՝ ԱՄՆ այցի հաստատված ամսաթիվ դեռևս չկա
Քաղաքականություն
04.04.2025 | 21:29
Թուրքիայի նախագահ Ռեջեփ Թայիփ Էրդողանը հայտարարել է, որ իր՝ ԱՄՆ այցի պլանները դեռևս վերջնական տեսքի չեն բերվել, այցի ամսաթիվը դեռևս հաստատված չէ։ Ստամբուլում լրատվամիջոցների հետ զրույցում նա ասել է, որ հստակ ժամանակը, թե երբ թուրքական կողմն աշխատանքային այցով կայցելի ԱՄՆ, դեռ որոշված չէ, փոխանցում է Turkiye today-ը։
«Սակայն այդ ընթացքում և՛ իմ արտաքին գործերի նախարարը (Հաքան Ֆիդանը), և՛ առևտրի նախարարը (Օմեր Բոլաթը) կարող են հանդիպումներ կամ ճամփորդական ծրագրեր ունենալ՝ կապված ԱՄՆ-ի հետ։ Այդ այցերը կարող են ներառել քննարկումներ վերջերս բարձրացված մաքսատուրքերի կարգավորման շուրջ»,- հավելել է նա։
Էրդողանը հույս է հայտնել, որ «Թուրքիայի նկատմամբ իրենց դիտարկած դրական մոտեցումը կվերածվի կոնկրետ գործողությունների»։
Հիշեցնենք, որ ավելի վաղ Թրամփն ու Էրդողանը հեռախոսազրույց էին ունեցել։
Թարգմանությունը՝ Էմմա Չոբանյանի
