Ներկայացվել է Թմրամիջոցների և հոգեմետ նյութերի ոչ բժշկական նպատակներով գործածման և ապօրինի շրջանառության դեմ պայքարի 2025-2027թթ. ռազմավարական ծրագիրը

Լուրեր

29.04.2025 | 11:47
«Երբեք չպետք է մոռանանք ԱՄՆ-ի «դավաճանության» դասերը»․ Կանադայի վարչապետ Մարկ Քարնիի Լիբերալ կուսակցությունը հաղթել է ընտրություններում
29.04.2025 | 11:38
Վրաստանի նախագահն այցելել է Ծիծեռնակաբերդ
29.04.2025 | 11:34
«Զինապահ» հիմնադրամի տարեկան հաշվետու ասուլիսը՝ ՈՒՂԻՂ
29.04.2025 | 11:25
Անդրեասյանի և Մինասյանի օրոք Արդարադատության նախարարությունում պաշտոնավարած Հայկ Սանոյանը Սրբուհի Գալյանի հրամանով ազատվել է պաշտոնից
29.04.2025 | 11:13
Հաշտության համաձայնություններով ՀՀ-ին է փոխանցվել 710 միլիոն ՀՀ դրամ․ Փաշինյանը հերթական #հատիկառհատիկն է հրապարակել
29.04.2025 | 11:04
«Մենք գնահատում ենք մարդկանց կյանքը, ոչ թե շքերթները»․ Զելենսկին ավելի երկարատև հրադադար է առաջարկում
29.04.2025 | 11:01
Ոչ պատշաճ վարքագիծ դրսևորած ավտոբուսի վարորդը ազատվել է աշխատանքից․ խոսնակ․ ՏԵՍԱՆՅՈՒԹ
29.04.2025 | 10:51
Ալիևը «Զանգեզուրի միջանցք»-ը փոխարինում է Իրանով անցնող «Արաքսյան միջանցքո՞վ»
29.04.2025 | 10:51
Եղեգնաձորով անցնող միջպետական ճանապարհին գծանշման աշխատանքներ են արվում
29.04.2025 | 10:40
Հայտնի են Հայաստանի ազգային պատկերասրահում անցկացված շախմատի մրցաշարի հաղթողները
29.04.2025 | 10:25
Ավարտվել է Մերձավանում տեղի ունեցած սպանության դեպքի վերաբերյալ 14 անձի մասով քրեական վարույթի նախաքննությունը
29.04.2025 | 10:12
Արտարժույթների փոխարժեքները՝ ապրիլի 29-ի դրությամբ
29.04.2025 | 10:00
Չեմպիոնների լիգայում մեկնարկում են կիսաեզրափակիչները. «Արսենալ»-ՊՍԺ
29.04.2025 | 09:47
Նավթի գները նվազել են
29.04.2025 | 09:34
Փակ է «Ամբերդ»-ից Քարի լիճ տանող ավտոճանապարհը
Բոլորը

Վարչապետ Նիկոլ Փաշինյանի գլխավորությամբ այսօր Կառավարությունում տեղի է ունեցել խորհրդակցություն, որի ընթացքում ներկայացվել են Թմրամիջոցների և հոգեմետ (հոգեներգործուն) նյութերի ոչ բժշկական նպատակներով գործածման և ապօրինի շրջանառության դեմ պայքարի 2025-2027թթ. ռազմավարական ծրագիրը և դրանից բխող գործողությունները: Այս մասին տեղեկացնում են Կառավարության մամուլի ծառայությունից։

Ներքին գործերի նախարար Արփինե Սարգսյանն իր խոսքում նշել է, որ ռազմավարական ծրագիրը մշակման բազմաթիվ փուլեր է անցել և ըստ էության, նախատեսվում է, որ այն կլինի մեկ միասնական փաստաթուղթ, որտեղ կամփոփվեն ոլորտի բոլոր դերակատարների առջև դրված խնդիրները:

Մինչ ռազմավարական ծրագրին անդրադառնալը, մանրամասներ են ներկայացվել աշխարհում և Հայաստանում թմրամիջոցների և հոգեմետ դեղերի գործածման վիճակագրական տվյալները: Նաև ընդգծվել է, որ ռազմավարական ծրագիրը թույլ է տալիս խնդրին առավել համապարփակ մոտեցում ցուցաբերել, քանի որ այն իր մեջ ներառում է նաև հանրային առողջապահության կոմպոնենտը:

Այսպիսով՝ ներկայացվել են ռազմավարական ծրագրի մշակման փուլերը, նպատակները, որոնք են՝ թմրամիջոցների և հոգեմետ նյութերի ոչ բժշկական նպատակներով գործածման կանխարգելումը, թմրամիջոցների ապօրինի շրջանառության դեմ պայքարը, բժշկական օգնության, սոցիալ-հոգեբանական աջակցության, վերաինտեգրման և հանրային առողջության պահպանման ապահովումը: Մանրամասներ են ներկայացվել վերոնշյալ նպատակների ուղղությամբ նախատեսվող քայլերի վերաբերյալ: Ըստ այդմ՝ նախատեսվում են բնակչության իրազեկման աշխատանքներ, թմրամիջոցներ գործածող կամ ապօրինի շրջանառություն իրականացնող անձանց վերաբերյալ վարչական տվյալների շտեմարանի ստեղծում՝ հետագծելիության ապահովմամբ, օրինական շրջանառությանը վերաբերող օրենսդրական դաշտի կատարելագործմամբ, ապօրինի թմրամիջոց գործածող անձանց համար սահմանափակումների սահմանմամբ:

Թմրամիջոցների ապօրինի շրջանառության դեմ պայքարի շրջանակում նախատեսվում է մաքսանենգ ճանապարհով թմրամիջոցների ապօրինի ներկրման կանխարգելում, օպերատիվ-հետախուզական գործունեության և նախաքննության արդյունավետության բարձրացում, համացանցի միջոցով թմրամիջոցների ապօրինի շրջանառության կանխարգելում, իրավասու մարմինների և կազմակերպությունների կարողությունների զարգացում, համագործակցության ամրապնդում:

Սոցիալ-հոգեբանական վերականգնման ուղղությամբ նախատեսվում է բուժման, վերականգնման և վնասի նվազեցման ծառայությունների տրամադրում, հանրային առողջության ապահովում, կայուն վերականգնման կառավարում և սոցիալական ինտեգրում:

Հանդիպման մասնակիցները մտքեր են փոխանակել ծրագրի առանձին կետերի շուրջ, ներկայացրել իրենց դիտարկումներն ու առաջարկությունները ռազմավարության նպատակների, դրանց իրագործմանն ուղղված քայլերի շուրջ:

Ամփոփելով քննարկումը՝ վարչապետը կարևոր է համարել այն, թե ռազմավարությամբ ինչ քաղաքական ուղղորդում է տրվում պատկան մարմիններին: Նիկոլ Փաշինյանի խոսքով, ռազմավարության հիմնական խնդիրը պետք է լինի պատասխանել մի հարցի, թե հիմնական հարվածի ուղղությունը ո՞րն է՝ ներմուծումը, արտադրությունը, տարածումը, թե սպառումը: «Ես կարծում եմ, որ մեր հարվածի ուղղությունը պետք է լինի ներմուծումը և արտադրությունը»,-ասել է վարչապետը և հավելել, որ թիրախները պետք է հստակեցնել և բոլոր քաղաքականությունները պետք է կարգաբերել այս տրամաբանությանը համապատասխան: Վարչապետը նաև կարևորել է թմրանյութերն ըստ վտանգավորության դասակարգելը և հանձնարարել աշխատանքները ծավալել այս ուղղություններով: