05.10.2026 | 09:41
Հենրիխ Մխիթարյանը գոլ է խփել ստուգողական խաղում. ՏԵՍԱՆՅՈՒԹ
Ռուսաստանում բռնաճնշումների վախը պայմանավորված է վերջին 20 տարում այդ երկրում տիրող իրավիճակով․ ապոլիտիկ զրույց Հրանուշ Խառատյանի հետ. ՏԵՍԱՆՅՈՒԹ
Հաղորդաշարեր
16.04.2022 | 21:00
Factor TV-ի A-politic հաղորդաշարի հյուրն է ազգագրագետ, պատմաբան Հրանուշ Խառատյանը: Նրա կարծիքով՝ ռուսաստանյան հասարակության մեծ մասն իր աջակցությունն է հայտնում երկրի իշխանությանը մի քանի պատճառով, որոնց թվում է բռնաճնշումներից վախը: Բայց պատճառներից կարևորը համոզմունքն է, որ ռուսական կայսրության մեջ մտնող բոլոր տարածքները, ի վերջո, իրենց երկրի մասն են: Պատմաբանը վստահ է, որ նման զգացմունքներն այս կամ չափով հատուկ են նախկին կայսրությունների բոլոր ղեկավարներին և հասարակություններին:
Ինչպես հայտնի է՝ ստալինյան բռնաճնշումների թիրախներ էին որոշակի սոցիալական խմբեր, ինչպես նաև ազգեր, այդ թվում՝ հայերը: Արդյո՞ք այդ ազգերի թվում էին նաև ուկրաինացիները: Պատասխանելով այդ հարցին՝ Հրանուշ Խառատյանը նշում է, որ, իր տեղեկություններով, ուկրաինացիները որպես ազգ՝ բռնաճնշումների չեն ենթարկվել: Սակայն 1930-ական թվականներին, նրա կարծիքով, կար որոշակի հատուկ բացասական վերաբերմունք, ինչը հանգեցրել է մի երևույթի, որն ուկրաինացիների և մի շարք միջազգային կազմակերպությունների բնորոշմամբ՝ կոչվում է «Գոլոդոմոր»:
Հաղորդման հյուրի համոզմամբ՝ մարդիկ «ուժեղ ձեռքի» (կոշտ, ավտորիտար ղեկավարի) կարիք են զգում այն դեպքում, երբ չեն բավարարվում իրենց կենսական կարիքները, երբ պետական մարմիններն անարդյունավետ են աշխատում, իսկ բյուրոկրատիան կոռումպացված է: Ըստ ազգագրագետի՝ ժողովրդավարությունն առաջին հերթին պետական արդյունավետ համակարգն է, որտեղ պետության ցանկացած քաղաքացի կարող է օրինական ճանապարհով գտնել իրեն հուզող խնդիրների պատասխանը:
Մանրամասները՝ տեսանյութում:
