07.09.2026 | 18:33
Վճռաբեկը հրապարակեց որոշումը․ Կաթողիկոսի և 6 եպիսկոպոսների գործը կրկին ուղարկվեց Արմավիրի մարզի ընդհանուր իրավասության դատարան
Թրամփի պայմաններով պատերազմի դադարեցումը կարող է Ուկրաինայի վերջը լինել․ Սերգեյ Ասլանյան․ ՏԵՍԱՆՅՈՒԹ
Քաղաքականություն
19.11.2024 | 22:00
Պատճառը, որ ամերիկյան կողմը որոշեց Ուկրաինային թույլատրել ՌԴ տարածքին հարվածել ATACMS հեռահար հրթիռներով, Թրամփի իշխանության գալն է։ Factor TV-ի հետ զրույցում նման կարծիք է հայտնում Ходорковский Live ալիքի հաղորդավար Սերգեյ Ասլանյանը։
Ըստ նրա՝ նախագահ Ջո Բայդենը որոշել է հեռանալուց առաջ շտկել իր սխալները, և քանի որ Թրամփը խոստացել է դադարեցնել պատերազմը՝ չասելով, որ Ուկրաինայի օգտին, դա կարող է լինել պատերազմի դադարեցում, որի արդյունքում Ուկրաինան չի լինի։ Եվ Բայդենը հրաշալի գիտի՝ ով է գալիս իրեն փոխարինելու, նա հասկանում է, որ Թրամփի իշխանության գալով Ուկրաինային տրամադրվող օգնությունը կվերանայվի, և հասկանալով, որ երկու ամիս ժամանակ ունի, Բայդենը նման թույլտվություն տրամադրեց, նշում է լրագրողը։
Նա կարծում է, որ ԱՄՆ-ը չափազանց երկար ժամանակ տրվեց Ռուսաստանի միջուկային շանտաժին՝ չնայած նրան, որ դեռևս պատերազմից առաջ լավ տեղեկացված էր ռուսական բանակի անմխիթար վիճակի մասին։
Նման ուշացած որոշումը, ըստ Ասլանյանի, կարող է թանկ արժենալ ուկրաինական կողմին։
Հարցազրույցն ամբողջությամբ՝ տեսանյութում։
Սամվել Մելիքսեթյան
