15.07.2026 | 10:40
«88» առևտրային օբյեկտում մեկ օրում արձանագրվել է 33 իրավախախտում
Հովիկ Աղազարյանը վայր կդնի մանդատը
Քաղաքականություն
19.11.2024 | 23:07
Factor TV-ի տեղեկություններով` ՔՊ խմբակցության պատգամավոր Հովիկ Աղազարյանը մանդատը վայր կդնի: Այս որոշումը կայացվել է այսօր կայացած ՔՊ վարչության նիստում: Աղազարյանի հետ սկզբում կապ հաստատել չկարողացանք, նրա հեռախոսն անջատված էր: Ավելի ուշ Հովիկ Աղազարյանն արձագանքեց Factor TV-ի հարցադրումներին` հորդորելով հարցերն ուղղել վարչության անդամներին և զարմանք հայտնելով, թե ինչու պիտի մանդատը վայր դնելու դիմում գրի։
Նշենք, որ Factor TV-ի տեղեկություններով՝ պատգամավորը նաև հրավիրվել էր Հակակոռուպցիոն կոմիտե հարցաքննության: Մեզ հետ զրույցում նա նշեց որ ոչ թե, այսօր է հրավիրվել, այլ երեկ չէ առաջին օրը մանր եղջերավոր անասունների արտահանման հետ կապված գործով։
Հիշեցնենք` այսօր վայր դրեց մանդատը ՔՊ խմբակցության պատգամավոր Նարեկ Զեյնալյանը: Factor TV-ի տեղեկություններով՝ ինչպես Աղազարյանին, նրան ևս հրահանգ է եղել ՔՊ-ից՝ մանդատը վայր դնելու վերաբերյալ:
Պատճառը վերջերս ԱԺ-ում տեղի ունեցած լեզվակռիվն էր արդեն ՔԿ նախկին պետ Արգիշտի Քյարամյանի մասնակցությամբ, որի մասնակից էին նաև Աղազարյանն ու Զեյնալյանը:
Փողոցային բառապաշար Քյարամյանից, կոռուպցիայի ակնարկ Աղազարյանին. ինչպե՞ս կվարվի Փաշինյանը․ ՏԵՍԱՆՅՈՒԹ
Արփի Հակոբյան
