26.06.2026 | 22:15
Forbes. Երեմյան ընկերությունների խմբի 20 տարին, 27 բիզնես ուղղությունն ու մեկ տեսլականը
Ի՞նչ գույն ունի գինին անապատում. ապաքաղաքական զրույց Ավագ Հարությունյանի հետ. ՏԵՍԱՆՅՈՒԹ
Հաղորդաշարեր
17.11.2024 | 21:00
Factor TV-ի A-politic հաղորդաշարի հյուրն է Գինու ազգային կենտրոնի ղեկավար Ավագ Հարությունյանը: Զրույցի տեղեկատվական առիթը հեղինակի վերջերս լույս տեսած գիրքն է՝ «Անապատի գինու գույնը. գինու հոգևոր և նյութական ընկալումն արաբա-իսլամական մշակույթում»: Մենագրությունը բաժանված է երեք մասի՝ նախաիսլամական շրջան, իսլամական մշակույթում գինու ընկալումը և ալկոհոլի արգելքի յուրահատուկ շրջանցումը, ինչպես նաև միստիկ սուֆիստական ուսմունքներում ու պոեզիայում գինու նշանակությունը:
Հաղորդման հյուրն անդրադառնում է գինու խորհրդանշական կիրառմանը արաբների փիլիսոփայական և բանաստեղծական տեքստերում՝ նշելով, որ գինին իսլամում ներկայանում է մի կողմից՝ որպես միտքը խամրեցնող թմրանյութ, մյուս կողմից, սիմվոլիկ մակարդակով, որպես դեպի լույս գնացող ճանապարհ: Ըստ հետազոտողի՝ այստեղից են բխում «կուժ», «գավ», «կարաս», «մատռվակ» և այլ հասկացությունների այլաբանությունները:
Ավագ Հարությունյանն առանձին անդրադառնում է Օմար Խայամի պոեզիային ու փիլիսոփայությանը՝ հատկապես նշելով նրա՝ կրոնական ուսուցիչ լինելու հանգամանքը և նրա ստեղծագործության վրա տարբեր ուսմունքների ազդեցությունը:
Մանրամասները՝ տեսանյութում:
Արամ Աբրահամյան
