Հաղորդաշարեր
28.09.2025 | 21:00Factor TV-ի A-politic հաղորդաշարի հյուրն է կոմպոզիտոր, միջազգային մրցույթների դափնեկիր Ժիրայր Շահրիմանյանը: Նրա համոզմամբ՝ ազգային տարրը երաժշտության մեջ արտահայտվում է, նախ և առաջ, մայրենի լեզվի հետ փոխկապակցված: Եթե կոմպոզիտորը «մտածում է հայերեն», ապա դա անպայման իր արտացոլումը կգտնի երաժշտության, մասնավորապես, ինտոնացիաների և լադային կառուցվածքի մեջ:
Ժիրայր Շահրիմանյանը վստահ է, որ դասական երաժշտությունը չի կարող մասսայական լինել: Այդ երաժշտության ունկնդիրը ցանկալի է (բայց ոչ պարտադիր), որ ունենա երաժշտական կրթություն, կարդացած լինի լուրջ գրքեր և լսած լինի լավ երաժշտություն: Ինքը՝ կոմպոզիտորը, երբեք մարզադաշտերի համար երաժշտություն չի գրել:
Հաղորդման հյուրն իր մտահոգությունն է հայտնում, որ կայքերում և սոցիալական ցանցերում մշակութային խնդիրները փոքր տեղ են զբաղեցնում, և եթե նույնիսկ այդ թեմաներով հրապարակումներ կան, ապա դրանք կորում են քաղաքական լրահոսի մեջ:
Մանրամասները՝ տեսանյութում:
Արամ Աբրահամյան
