22.12.2024 | 13:36
Այսօր երեկոյան հնարավոր է թույլ ձյուն
Շատ բան բիզնեսի է վերածվել և՛ բժշկության մեջ, և՛ արվեստում. ապաքաղաքական զրույց Վահան Վարդապետյանի հետ. ՏԵՍԱՆՅՈՒԹ
Հաղորդաշարեր
03.11.2024 | 21:00
Factor TV-ի A-politic հաղորդաշարի հյուրն է բժիշկ և հասարակական գործիչ Վահան Վարդապետյանը: Նրա բժշկական մասնագիտացումն է անպտղության բուժումը: Արդյո՞ք նման գործունեությունը «միջամտություն չէ Աստծո գործերին»: Ըստ բժշկի՝ ճիշտ հակառակը՝ ընտանիքին զավակ ունենալու հնարավորություն պարգևելը նպաստում է Աստծու մտահղացումների իրականացմանը: Այլ հարց է, որ բժիշկները հաճախ դրդում են ամուսնական զույգերին արհեստական լուծումների՝ առանց անհրաժեշտության: Դա, Վահան Վարդապետյանի կարծիքով, վկայում է այն մասին, որ ժամանակակից աշխարհում շատ ոլորտներ, այդ թվում՝ առողջապահությունը և մշակույթը, արվեստը, վերածվել են մաքուր բիզնեսի:
Խոսելով երաժշտության և բժշկության կապի մասին՝ հաղորդման հյուրը շեշտում է, որ նախ՝ երաժշտության բուժիչ հատկությունները փորձնականորեն ապացուցված են: Երկրորդ՝ նա վստահ է, որ ցանկացած մասնագիտության դեպքում գործին պետք է մոտենալ որպես արվեստագետ, ոչ թե որպես արհեստավոր: Եվ վերջապես՝ երաժշտությունը, կախված իր բնույթից, կարող է ստեղծել որոշակի տրամադրություն և մղել մարդկանց այս կամ այն գործողությունների:
Վահան Վարդապետյանը մանրամասնորեն ներկայացնում է իր շփումները դիրիժոր Օհան Դուրյանի և երգիչ Արսեն Սողոմոնյանի հետ:
Մանրամասները՝ տեսանյութում:
Արամ Աբրահամյան
