18.07.2026 | 14:18
2026-ին Հայաստանի բուհեր ընդունվել է 9620 դիմորդ․ ԳԹԿ
Լավրովն ԱՄՆ-ին մեղադրել է Բրյանսկի շրջանում ATACMS-ով հարվածներին մասնակցելու մեջ
Քաղաքականություն
19.11.2024 | 21:34
Ռուսաստանի արտաքին գործերի նախարար Սերգեյ Լավրովը հայտարարել է, որ ATACMS հրթիռներով ուկրաինական բանակի հարձակումները Բրյանսկի շրջանի վրա անհնար կլինեիր առանց ԱՄՆ-ի մասնակցության։ Միաժամանակ, նա նշել է, որ չի կարող ճշգրիտ հաստատել տեղեկությունն այն մասին, որ ԱՄՆ-ը որոշել է ATACMS-ով հարվածներ հասցնել Ռուսաստանի խորքում։
Բրյանսկի շրջանին հարվածը, ըստ Լավրովի, պետք է դիտարկել որպես Ռուսաստանի և Ուկրաինայի միջև հակամարտությունը սրելու արևմտյան երկրների մտադրություն, փոխանցում է Կոմերսանտը։
«Այն փաստը, որ այս գիշեր Բրյանսկի շրջանում կիրառվել է ATACMS-ը, իհարկե, ազդանշան է, որ նրանք ցանկանում են էսկալացիա: Իսկ առանց ամերիկացիների անհնար է օգտագործել այս բարձր տեխնոլոգիական հրթիռները, Պուտինը բազմիցս խոսել է այս մասին»,- ասել է ռուսաստանցի պաշտոնյան Ռիո դե Ժանեյրոյում կայացած մամուլի ասուլիսում։
Լավրովը նաև հույս է հայտնել, որ Արևմուտքն ամբողջությամբ կկարդա Ռուսաստանի Դաշնության նորացված միջուկային դոկտրինը։ Մոսկվան, հավելել է նա, պատշաճ կերպով կպատասխանի Ռուսաստանի տարածքի խորքերը հարվածելու ԱՄՆ որոշմանը։
Թարգմանությունը՝ Տաթև Ֆռանգյանի
