07.11.2026 | 12:26
Ռուսաստանում հրթիռակոծվել է «Իսկանդեր» հրթիռների համար սարքավորումներ արտադրող գործարանը․ խոշոր հրդեհ է բռնկվել
Ռուսաստանում հրթիռակոծվել է «Իսկանդեր» հրթիռների համար սարքավորումներ արտադրող գործարանը․ խոշոր հրդեհ է բռնկվել
Քաղաքականություն
07.11.2026 | 12:26
Լուրեր
07.11.2026 | 11:55
Երևանի կենտրոնում փոշու պարունակությունը հինգ օր գերազանցել է թույլատրելի սահմանը
07.11.2026 | 09:42
Հայաստանը, ԱՄՆ-ն և Ադրբեջանը սկսել են TRIPP-ի տեխնիկական պլանավորման աշխատանքները
Ռուսաստանի Օրյոլ քաղաքը նոյեմբերի 7-ի գիշերը ենթարկվել է զանգվածային հրթիռային հարձակման։ ASTRA պարբերականի՝ բաց աղբյուրների տվյալների ուսումնասիրության համաձայն՝ հարվածի հետևանքով խոշոր հրդեհ է բռնկվել «Պրոտոն» գործարանում, որը Ռուսաստանում օպտոէլեկտրոնային սարքավորումների կարևորագույն արտադրողներից է։ Այս մասին հայտնում է DW-ն։
Օրյոլի մարզի նահանգապետ Անդրեյ Կլիչկովը հայտարարել է, որ հրթիռային հարձակման հետևանքով «մասնակիորեն վնասվել են քաղաքի Սովետսկի շրջանում գտնվող ձեռնարկություններից մեկի արտադրական տարածքները»։ Սակայն նա չի հստակեցրել, թե որ ձեռնարկության մասին է խոսքը, և տեղեկություններ չի ներկայացրել հնարավոր տուժածների վերաբերյալ։
Նահանգապետի խոսքով՝ դեպքի վայրում աշխատում են փրկարար ծառայությունները։
«Պրոտոն» գործարանը գտնվում է Օրյոլի Սովետսկի շրջանում։ Ուկրաինական Exile+ և Supernova+ OSINT ալիքների տվյալներով՝ գործարանի արտադրանքն օգտագործվում է, մասնավորապես, Ս-71 «Կովյոր» թևավոր ավիացիոն հրթիռներում, 9Մ723 «Իսկանդեր-Մ» բալիստիկ հրթիռներում և «Պանցիր-Ս1» զենիթահրթիռահրանոթային համալիրներում։
Նախկինում ձեռնարկությունը ևս բազմիցս ենթարկվել է ուկրաինական հարձակումների։
