07.11.2026 | 18:08
Իմ խնդիրն է՝ Հայաստանն իր միջազգայնորեն ճանաչված տարածքներով և բաց սահմաններով հանձնել երիտասարդությանը. վարչապետ
Բահչելին հերքել է Էրդողանի հետ «բաժանման» մասին լուրերը
Քաղաքականություն
19.11.2024 | 21:47
Թուրքիայի նախագահ Ռեջեփ Թայիփ Էրդողանի դաշնակից, ծայրահեղ աջ «Ազգայնական շարժում» կուսակցության (MHP) առաջնորդ Դևլեթ Բահչելին հերքել է իր և Էրդողանի միջև տարաձայնությունների մասին լուրերը, գրում է Duvar-ը։
«Իմ պարտքն է հիշեցնել, որ մեր նախագահ Էրդողանի և իմ միջև տարանջատում չի լինի, երբ խոսքը գնում է հայրենիքի, ազգի և դրոշի մասին։ Իմ և նախագահի միջև անխզելի կապ կա։ Իմ պարտքն ու խիղճն է՝ հիշեցնել, որ բաժանում կամ անջատում չի լինելու։ Ահաբեկչությունը կվերացվի։ Ես կոչ եմ անում իմ բոլոր քուրդ եղբայրներին ու քույրերին՝ PKK-ն չի կարող ներկայացնել քրդերին»,- MHP-ի խորհրդարանական խմբի նիստում ունեցած ելույթում հայտարարել է Բահչելին։
Լուրեր են պտտվում, որ Բահչելին Քուրդիստանի աշխատավորական կուսակցության (PKK) բանտարկված առաջնորդ Աբդուլլահ Օջալանի հետ կապված հայտարարությունն արել է առանց Էրդողանին տեղյակ պահելու։ Բահչելին, հիշեցնենք, Օջալանին կոչ էր արել ելույթ ունենալ խորհրդարանում և հայտարարել PKK-ի լուծարման մասին։
Ավելի վաղ Էրդողանի խորհրդական Մեհմեթ Ուչումը հերքել էր երկրի ղեկավարի և նրա մերձավոր դաշնակից Դևլեթ Բահչելիի միջև տարաձայնությունների մասին պնդումները։
Թարգմանությունը՝ Էմմա Չոբանյանի
