24.04.2026 | 12:27
Մի խաթարեք մեր ապրումները. Գարեգին Բ-ն չցանկացավ մեկնաբանել իր հասցեին մեղադրանքների թեման․ ՏԵՍԱՆՅՈՒԹ
Նոր գործընթաց է սկսվել, որի արդյունքում բոլոր գերեվարված հայրենակիցները վերադառնալու են. Փաշինյան․ ՏԵՍԱՆՅՈՒԹ
13.06.2021 | 20:57
Տասնհինգ հայ գերիների վերադարձը իրադարձություն չէ, դա գործընթաց է. այսօր Աբովյան քաղաքում անցկացված քարոզարշավի ժամանակ հայտարարեց վարչապետի պաշտոնակատար Նիկոլ Փաշինյանը։
Նա ասաց, որ մի նոր գործընթաց է սկսվել, որի արդյունքում մեր բոլոր գերեվարված հայրենակիցները վերադառնալու են։
«Այո՛, մենք միասին ենք դա անելու, և այս ընտրություններն այդ առումով շատ կարևոր են։ Ընտրությունների արդյունքներով պետք է ցույց տանք, որ հանուն մեր նահատակների՝ հաստատակամ ենք այս դժվարություններրը հաղթահարելու»,- նշեց վարչապետի պաշտոնակատարը։
Փաշինյանն ընդգծեց, որ քարտեզներ տրամադրելու գործընթացը սկսվել է 2020 թվականի դեկտեմբերից և երբ հասկացել են, որ ադրբեջանական կողմը դադարեցնում է գերիների վերադարձը՝ իրենք ևս դադարեցրել են քարտեզների տրամադրումը։
«Մենք պատրաստ ենք շարունակել այդ գործընթացը, որովհետև ունենք քարտեզներ, և իրենց մոտ էլ ունենք գերեվարված հայրենակիցներ։ Մենք պատրաստ ենք իրենց թիկունքում գտնվող բոլոր ականադաշտերի քարտեզները տալ։ Ադրբեջանական կողմի կառուցողականության առաջին քայլը երևաց, երբ իրենք մոլորված մեր զինվորին վերադարձրին․ այդ ժամանակ այս թեմայի վերաբերյալ բանակցությունները մեկնարկել էին»,- նկատեց Փաշինյանը։
Նա ընդգծեց, որ ականապատ դաշտերի քարտեզները, որոնք փոխանցվել են ադրբեջանական կողմին, ոչ թե փոխանակել են գերիների հետ, այլ քայլին քայլով են պատասխանել, և այդ ականները գտնվում են Ադրբեջանի ԶՈւ թիկունքում։
