06.10.2026 | 11:31
Արի, տեսնեմ՝ ինչ ես ասում․ ԱԺ դահլիճում իրավիճակը դարձյալ լարվեց․ ՏԵՍԱՆՅՈՒԹ
Հայաստանի 38 համայնքներում այսօր ՏԻՄ ընտրություններ են
Քաղաքականություն
05.12.2021 | 08:00
Հայաաստանի Հանրապետության 9 մարզի 38 համայնքներում այսօր ՏԻՄ ընտրություններ կանցկացվեն։ Համայնքներից 36-ում տեղական իշխանությունը կձևավորվի համամասնական ընտրակարգով, ևս 2 համայնքում՝ մեծամասնական ընտրակարգով։
Հիշեցնենք, որ սեպտեմբերի 24-ին Ազգային ժողովն ընդունեց կառավարության ներկայացրած օրենքի նախագիծը, որով 441 համայնքներ միավորվելով կդառնան 38, ընդհանուր Հայաստանում կլինի 79 համայնք՝ ներառյալ Երևանը։ Հենց այս 38 խոշորացված համայքներում էլ այսօր անցկացվում են ՏԻՄ ընտրություններ։
Համամասնական ընտրակարգով ընտրություններ կլինեն Արարատի, Արագածոտնի, Տավուշի, Արմավիրի, Գեղարքունիքի, Լոռու, Վայոց Ձորի, Շիրակի, Կոտայքի խոշոր համայնքներում, իսկ Արագածոտնի մարզի Արևուտ և Մեծաձոր համայնքներում՝ մեծամասնական ընտրակարգով։ Այս երկու համայնքները եզդիաբնակ են, այդ պատճառով էլ չեն ներառվել խոշորացման ծրագրում։ Մեծաձոր համայնքում 131 ընտրողների քվեի համար կպայքարեն 2 անկուսակցական թեկնածւներ, իսկ Արևուտ համայնքի 486 ձայնի համար՝ 3 թեկնածու՝ 2-ը անկուսակցական։
Ամենամեծ ընտրազանգված ունեցող Վանաձորում այս տարի քվեարկության իրավունք ունի 93 հազար 836 քաղաքացի։ Մրցակցությունը թեժ է․ համայնքը կառավարելու համար կմրցեն 10 կուսակցություններ։
Քվեարկությունը կտևի 12 ժամ․ ընտրատեղամասերը բացվել են ժամը 08:00-ին և կփակվեն 20:00-ին, որից անմիջապես հետո կսկսվի հաշվարկը:
