09.06.2026 | 21:33
Բաքվի վերաքննիչ դատարանում Արայիկ Հարությունյանի փաստաբանը խնդրել է արդարացնել իր պաշտպանյալին
Մարտի 1-ի բացահայտման խոստումն իրականացվել է մեծ ծավալով. Ռուստամ Բադասյան. ՏԵՍԱՆՅՈՒԹ
Հասարակություն
12.02.2021 | 21:47
ՀՀ արդարադատության նախարար Ռուստամ Բադասյանն այսօր Factor TV-ի հետ զրույցում անդրադարձավ Մարտի 1-ի քրգործով դատավարությանը՝ շեշտելով, որ արհեստական խոչընդոտներ են առաջանում դատավարության ընթացքում։
«Որոշ դատավարություններ իրավունքի չարաշահման ուղղակի գործողությունների ամբողջություն են: Այսինքն՝ դրանք միտված չեն կոնկրետ դատավարության ընթացքում սեփական իրավունքներն իրացնելուն, այլ իրավունքի չարաշահման միջոցով փորձում են ձգձգել, խոչընդոտներ ստեղծել: Ինչ վերաբերվում է Մարտի 1-ի բացահայտմանը, կարծում եմ՝ իշխանության գործողությունները հասկանալի և պարզ են եղել, խոստումն իրականացվել է՝ առնվազն մեծ ծավալով, որովհետև քննչական մարմինը ստացել է բավականաչափ անկախություն, որ առանց քաղաքական ենթատեքստի քննություն իրականացնի: Գործը հիմա դատարանում է, իսկ մեր իշխանությունն այնտեղ ազդեցության լծակներ չունի»,- ասաց նա:
Հարցին՝ ի՞նչ բացահայտման մասին է խոսը, երբ հանրությունը չգիտի ամենաառանցքային հարցի պատասխանը՝ ո՞վ է հրաման տվել Երևանի կենտրոնում գնդակահարել տասը քաղաքացիներին, նախարարը պատասխանեց. «Իրավական առումով դա բացահայտված չէ: Տասը տարի անցնելուց հետո գործի քննությունը վերսկսվել է, բայց որքան ապացույցների կորստի և կեղծման դրվագներ կարող են լինել, որոնցով ևս քրեական գործեր և բացահայտումներ կան: Բոլոր բարդությունները հաշվի առնելով՝ ամեն ինչ արվել է այս գործով առաջընթաց ունենալու համար»:
Մանրամասները՝ տեսանյութում։
