08.10.2026 | 13:41
ՌԴ ԱԽ-ն հայտարարել է, թե ՀՀ-ում Firebird AI-ի տվյալների կենտրոնը «կարող է օգտագործվել Ռուսաստանի դեմ»
Պետական մակարդակի ձախողումը պետք չէ գցել լրատվամիջոցների վրա․ Հարություն Ծատրյան. ՏԵՍԱՆՅՈՒԹ
Հասարակություն
04.02.2021 | 15:57
ԱԺ «Իմ քայլը» խմբակցության մի խումբ պատգամավորներ առաջարկում են «Զանգվածային լրատվության մասին» օրենքում փոփոխություններ կատարել` այդ թվում նաև անանուն աղբյուրներին հղում անելը արգելելու նպատակով:
«Պայքար անանուն աղբյուրների՞, թե՞ մամուլի ազատության դեմ» թեմայով առցանց քննարկման ժամանակ մեդիահետազոտող և փաստերի ստուգման մասնագետ Հարություն Ծատրյանն ընդգծեց, որ սահմանափակումներով հնարավոր չէ պայքարել կեղծ լրատվության դեմ:
«Մենք սրանով ցանկանում ենք ամեն ինչ սահմանափակել և լրատվադաշտը դնել մի վանդակի մեջ ու ասել՝ այստեղ գործեք, այնինչ ավելի ճիշտ կլինի, եթե երկարաժամկետ նպատակով մենք կրթությանն ուշադրություն դարձնենք, որպեսզի անկախ նրանից, թե ինչ աղբյուր է տարածում տեղեկությունը, հասարակությունը ոչ թե զգացմունքների հետևից գնա՝ վախենա և այլն, այլ ինքն իրեն հարց տա, թե ինչ ալիք է տարածում այդ տեղեկատվությունը, ինչու է վախի մթնոլորտ ստեղծում և այլն»:
Անդրադառնալով պատգամավորների այն պնդմանը, որ Telegram-յան ալիքները տալիս են այնպիսի ինֆորմացիա, որն ազգային կամ պետական անվտանգության համար սպառնալիք են, Ծատրյանը նշեց, որ դրա համար կան համապատասխան ստորաբաժանումներ, որոնք կարող են զբաղվել դրանով:
Հարություն Ծատրյանն ընդգծեց, որ պետական մակարդակի ձախողումը պետք չէ գցել լրատվամիջոցների վրա:
Մանրամասները՝ տեսանյութում:
