14.05.2026 | 10:39
Վթարների պատճառով թիվ 5, 15, 31 երթուղիները սպասարկող ավտոբուսներ ուշացումով կաշխատեն
Հենրիխ Մխիթարյանը լավագույն ֆուտբոլիստն է. կոշտ պատասխան Մեսրոպ Առաքելյանին. ՏԵՍԱՆՅՈՒԹ
21.11.2019 | 19:50
Մեսրոպ Առաքելյանն արել է մի անհեթեթ, անթույլատրելի հայտարարություն, երբ ասել է, որ Հենրիխ Մխիթարյանի թևից պետք է հանել ֆուտբոլի Հայաստանի ազգային հավաքականի ավագի թևկապը։ Այս մասին այսօր ՀՖՖ հերթական նիստից հետո լրագրողների հետ զրույցում նշեց ՀՖՖ նախագահ Արթուր Վանեցյանը։
«Դա բացառապես նրա անձնական կարծիքն է, որը մենք չենք կիսում, ՀՖՖ-ն չի կիսում, հակառակը՝ դատապարտում է նման հայտարարությունները։ Հենրիխ Մխիթարյանը հայկական ֆուտբոլի պատմության մեջ լավագույն ֆուտբոլիստներից մեկն է, անգամ կասեմ՝ լավագույն ֆուտբոլիստն է։ Նա ոչ միայն ֆուտբոլիստ է, այլ, առհասարակ, Հայաստանի և հայ ժողովրդի դեսպանը ողջ աշխարհում, և իր նվիրված խաղով ապացուցել է, որ մեր թիմի ավագն է և արժանի է կրել այդ թևկապը»,- ասաց Վանեցյանը։
Մանրամասները՝ տեսանյութում։
Նարեկ Կիրակոսյան
