08.12.2025 | 23:30
Իլոն Մասկը կոչ է անում «վերացնել» ԵՄ-ն. Եվրահանձնաժողովին արգելվել է X-ում գովազդներ տեղադրել՝ 120 միլիոն եվրո տուգանքից հետո
Ֆուտբոլի ազգային հավաքականի մթնոլորտի կտրուկ փոփոխություն է պետք ընդհուպ ավագի՝ Հենրիխ Մխիթարյանի, որը, մեղմ ասած, թքած ունի հավաքականի վրա. վարչապետի խորհրդական
20.11.2019 | 19:39
ՀՀ վարչապետի խորհրդական Մեսրոպ Առաքելյանը կարծում է, որ հայկական ֆուտբոլին լուրջ փոփոխություններ են ամհրաժոշտ: Նա այդ մասին գրառում է կատարել ֆեյսբուքի իր էջում:
«Հայկական ֆուտբոլի ողբերգությունը ունի տասնամյակների հիմք։ Տեղային, կարճաժամկետ հաջողությունները հետ են շպրտել երկարաժամկետ նպատակները։
Ամեն անգամ աշխարհի կամ Եվրոպայի առաջնության եզրափակիչ դուրս գալուն պակասում է մի փոքր եթե։ Եթե սրան հաղթեինք, եթե սա խաղար, եթե… Եթե…
Մենք չենք ունեցել և հիմա էլ չունենք ֆուտբոլային երկիր դառնալու նպատակ և ծրագրեր։ Մենք պետք է հասկանանք, որ երկար, դեռ շատ երկար ժամանակ դուրս չենք գալու աշխարհի կամ Եվրոպայի առաջնության եզրափակիչ փուլ։ Նման նպատակները ջարդուփշուր են անում բոլորին՝ վերջին դարձնելով գնդակ տշող։
Ֆուտբոլային երկիր դառնալու համար մեզ պետք է՝
• ֆուտբոլային ենթակառուցվածքներ՝ լիքը ստադիոններ ու փոքր դաշտեր, ֆանտաստիկ ազգային ստադիոն,
• մանկապատանեկան ֆուտբոլի մասսայականացում՝ նախկին Կաշվե գնդակի ձևաչափի ներդրում,
• Հայաստանի առաջնությունում աստիճանաբար լեգիոներների լիմիտի ներդրում՝ բարձրագույն խմբում առաջին 20 ռմբարկուների մեջ ընդամենը 2 հայ կա,
• ֆուտբոլային ներդրումների աջակցության պետական համալիր ծրագրերի իրականացում,
• ազգային հավաքականի մթնոլորտի կտրուկ փոփոխություն՝ ընդհուպ ավագի փոփոխություն, ով այսօր մեղմ ասած թքած ունի հավաքականի վրա,
• ԵԱՏՄ լեգիոներների հարցի շուտափույթ կարդավորում,
Այս ամենից առաջ էլ, հետո էլ ֆուտբոլը մնում է խաղ, որտեղ ոչինչ երաշխավորված չէ»,- գրել է նա:
