11.07.2026 | 12:34
Լոռիում քննարկվել է Վանաձոր-Փամբակ համայնքների միավորման օրենսդրական նախագիծը
ՍԴ-ում Սահմանադրության օրվա առթիվ որևէ միջոցառում չի նախատեսվում. Պետական խորհրդանիշների օրը առաջին դեմքերը երկրում չեն լինի
Քաղաքականություն
04.07.2019 | 17:40
Պետական խորհրդանիշների օրը վաղը Հայաստանի Հանրապետությունում չի նշվելու պետական մակարդակով: Սահմանադրական դատարանի աշխատակազմի ղեկավարի աշխատակազմից Factor.am-ին փոխանցեցին, որ հուլիսի 5-ին ՍԴ-ում որևէ միջոցառում նախատեսված չէ: ՍԴ դատավոր Ալվինա Գյուլումյանն էլ մեզ հետ զրույցում ասաց, որ վաղը ՍԴ անդամներով նախատեսել են այցելել Գոշավանք:
Հիշեցնենք, որ նախորդ տարի Սահմանադրական դատարանում Սահմանադրության օրվա և պետական խորհրդանիշների տոնի առթիվ միջոցառում էր կազմակերպվել, որին մասնակցում էին ՀՀ նախագահ Արմեն Սարգսյանը, ԱԺ նախագահ Արարատ Միրզոյանը, նախարարներ, պատգամավորներ և այլ բարձրաստիճան պաշտոնյաներ:
Նախագահի աշխատակազմից էլ մեզ տեղեկացրին, որ նախագահն այս տարի ՍԴ-ում կայանալիք միջոցառման որեևէ հրավեր չի ստացել: Պետական խորհրդանիշների օրը Հայաստանից բացակայում են ՀՀ վարչապետ Նիկոլ Փաշինյանն ու ԱԺ նախագահ Արարատ Միրզոյանը: Նրանք գործուղման են: Ազգային ժողովի լրատվության վարչության պետի պաշտոնակատար Հրայր Զորյանն էլ Factor.am-ին փոխանցեց, որ խորհրդարանում ևս միջոցառումներ նախատեսված չեն: Նրա պնդմամբ՝ երբեք էլ չի եղել:
Գործող Սահմանադրությունը ընդունվել է 1995 թվականի հուլիսի 5-ին անցկացված համաժողովրդական հանրաքվեով: 2005 և 2015 թվականներին, կրկին հանրաքվեով, այն փոփոխվել ու լրացվել է:
Նարեկ Կիրակոսյան
