02.07.2026 | 22:37
Վթարային ջրանջատում` Արարատի մարզում
Զոհրաբ Մնացականյանը՝ Ռոբերտ Քոչարյանի և Մարտի 1-ի գործի համատեքստում ՌԴ դեսպանի հետ հանդիպման մասին․ ՏԵՍԱՆՅՈՒԹ
Քաղաքականություն
27.06.2019 | 16:18
«Մեզ համար բացարձակ գերակայություն եղել և մնում է մեկ հարց՝ Լեռնային Ղարաբաղի ֆիզիկական անվտանգության բացարձակ ապահովումը, որից բխում է ստատուսի հարցը: Եվ սպառնալիքի լեզվով կամ սպառնալիքի կիրառմամբ որևէ արդյունք չի ապահովվելու, մենք կողջունենք այնպիսի հռետորաբանությունը, որը կնպաստի իրական գործնական առաջընթացին»,- այս մասին այսօր հրավիրված մամուլի ասուլիսի ժամանակ, անդրադառնալով Ադրբեջանի նախագահ Իլհամ Ալիևի՝ լրատվամիջոցների հետ զրույցում հնչեցրած «ամեն վայրկյան պատրաստ ենք ազատել գրավյալ տարածքները» ձևակերպանն ու բանակցությունների վրա դրանց ազդեցությանը, ասաց Արտաքին գործերի նախարար Զոհրաբ Մնացականյանը։
Անդրադառնալով լրագրողների հարցին՝ հայ-ռուսական հարաբերությունների, Ռոբերտ Քոչարյանի և Մարտի 1-ի գործի համատեքստում ՌԴ դեսպանի հետ հանդիպման վերաբերյալ, Զոհրաբ Մնացականյանը նշեց․ «Հայաստանն ու Ռուսաստանը եղել և մնում են դաշնակիցներ և ունեն բավական լայն և հարուստ օրակարգ։ Մենք բավարարված ենք այդ երկխոսությամբ, որը կա մեր երկու երկրների օրակարգում։ Մենք կարող ենք ունենալ հարցեր, որոնք մեր երկկողմ օրակարգի մեջ կարող են տարբեր ընկալումներ ունենալ և տարբեր գնահատականներ ստանալ և այդ հարցերի քննարկումը որևէ խնդիր չի առաջացնում։ Նման տրամադրությամբ ենք մենք աշխատում մեր գործընկերների հետ»։
Մանրամասները՝ տեսանյութում։
