17.11.2024 | 10:45
Դեսպան Տոլմաջյանն ու Բրիժիտ Մակրոնը մտքեր են փոխանակել Հարավային Կովկասում իրավիճակի վերաբերյալ
Ես ապրում եմ Երևանի ամենա-ամենա-ամենակենտրոնում և այդտեղ համատիրությունն իր գործառույթները չի կատարում. Նաիրա Զոհրաբյան․ ՏԵՍԱՆՅՈՒԹ
Քաղաքականություն
21.06.2019 | 10:53
Ազգային ժողովում այսօր քննարկվում է «Իմ քայլը» խմբակցության պատգամավոր Գևորգ Պապոյանի հեղինակած «Աղբահանության և սանիտարական մաքրման մասին» օրենքում փոփոխություններ և լրացումներ կատարելու մասին նախագիծը, որով առաջարկվում է փոփոխություն կատարել աղբահանության համար սահմանված դրույքաչափերում, ինչպես նաև թույլ տալ, որ տեղական ինքնակառավարման մարմինները կարողանան լավագույն կերպով իրականացնել աղբահանության գործընթացը։
Նախագծի վերաբերյալ ԱԺ «Բարգավաճ Հայաստան» խմբակցության պատգամավոր Նաիրա Զոհրաբյանը նշեց, որ ինքը դեմ չէ այս փոփոխություններին, սակայն առաջարկում է համատիրությունների աշխատանքի մեխանիզմի փոփոխություն կատարել և այն ավելի արդյունավետ դարձնել։
Զոհրաբյանը նշեց, որ ինքը լսել է Լիոնի քաղաքապետի առաջարկներն այս հարցի վերաբերյալ և պատրաստ է նաև ներկայացնել օրենսդրական նախաձեռնություն, որը կբարձրացնի համատիրությունների աշխատանքի արդյունավետությունը, որովհետև տպավորություն է, որ այդ կառույցները բնակիչներից հավաքագրված գումարները ծախսում են միայն աշխատակիցների աշխատավարձերի վրա։
«Ես պարտաճանաչ հարկատու եմ, տարին դեռ չսկսած՝ ամբողջ տարվա համար վճարում եմ համատիրությունում, բայց նրանց կողմից ծառայություններ չեմ ստանում: Եվ ես ապրում եմ Երևանի ամենա-ամենա-ամենակենտրոնում՝ Աբովյան փողոցում և, փաստորեն, այդ ամենա-ամենակենտրոնում համատիրությունն իր ամենակարևոր գործառույթները չի կատարում, ուստի մենք համատիրությունների աշխատանքի մեխանիզմը պետք է փոխենք»,- ասաց Նաիրա Զոհրաբյանը՝ նշելով, որ իր դիտարկումը չի նշանակում, որ համատիրությունները պետք է փակել։
Մանրամասները՝ տեսանյութում։
