02.07.2026 | 14:43
Իրանը զգուշացնում է ԱՄՆ-ին և Իսրայելին Խամենեիի հուղարկավորության արարողությունից առաջ հարձակումների դեմ
Նիկոլ Փաշինյանը Կառավարության աշխատանքը գնահատում է փայլուն․ ՏԵՍԱՆՅՈՒԹ
Քաղաքականություն
20.06.2019 | 13:02
Վարչապետ Նիկոլ Փաշինյանն այսօր խորհրդարանում մասնակցում էր 2018 թվականի բյուջեի կատարողականի քննարկմանը։
Իր ամփոփիչ ելույթում վարչապետ Փաշինյանը նշեց, որ 2018 թվականը բյուջետային առումով համաշխարհային պատմության մեջ աննախադեպ տարի էր։
Վարչապետը հիշեցրեց, որ այդ աննախադեպությունը կապված էր 2018 թվականին Հայաստանում տեղի ուենցած թավշյա հեղափոխության և արտահերթ ընտրությունների հետ։
«Այս տարվա արդյունքում ունենք 5․2 տոկոսանոց տնտեսական աճ, այն պարագայում, երբ բյուջեի նախագիծն ընդունած Կառավարությունը դրել էր 4,5 տոկոս տնտեսական աճի կանխատեսում, հետևաբար, 2018 թվականի արդյունքով Կառավարությունը պետբյուջեի մասով չունի չկատարված պարտավորություն։ Մակրոտնտեսական կայունությունը պահպանված է լիարժեքորեն։ Կառավարությունն իր աշխատանքը կատարել է փայլուն, որովհետև ողջ քաղաքական ցնցումների համատեքստում ապահովել է ՀՀ-ի բնականոն կյանքը լիարժեքորեն, ընդ որում, սա այն դեպքում, երբ տեղի է ունեցել պետական կառավարման համակարգի գլոբալ անցում կիսանախագահականից խորհրդարանական։ Այս դեպքում, կներեք արտահայտությանս, այլ կերպ Կառավարության աշխատանքը գնահատել, քան փայլուն, հնարավոր չէ»,- ասաց վարչապետը։
Մանրամասները՝ տեսանյութում։
