18.10.2026 | 20:17
«Մեր նպատակը նոր խոստումներ տալը չէ, այլ ստանձնած պարտավորությունները կատարելը»․ Մաթևոսյան․ ՏԵՍԱՆՅՈւԹ
ԼՀԿ-ն առաջարկում է լրագրողների հավատարմագրման կարգը վերացնել՝ թույլ տալով անարգել մտնել քաղաքապետարան․ ՏԵՍԱՆՅՈՒԹ
Քաղաքականություն
03.06.2019 | 16:14
Ազգային ժողովի «Լուսավոր Հայաստան» խմբակցությունը ներկայացրել է «Երևան քաղաքում տեղական ինքնակառավարման մասին» Հայաստանի Հանրապետության օրենքում փոփոխություն կատարելու մասին որոշման նախագիծ, որով առաջարկվում է Երևանի տեղական ինքնակառավարման մարմինների նստավայրում լրագրողներն իրենց մասնագիտական գործունեությունն իրականացնելիս իրավունք ունենան ներկա գտնվելու ավագանու հրապարակային նիստերին՝ ավագանու նիստերի դահլիճին անմիջապես կից առանձնացված տեղում, որտեղից ուղղակիորեն տեսանելի և լսելի է ավագանու նիստը:
Ըստ նախագծի հիմնավորման՝ նախորդ տարվա մարտի 23-ին ընդունված օրենքով սահմանվել է այն անձանց ցանկը, որոնք իրավունք ունեն գտնվելու ավագանու նիստերի դահլիճում, ինչպես նաև նախատեսվել է, որ լրագրողներն իրենց մասնագիտական գործունեությունն իրականացնեն առանձնացված հատուկ տեղում, իսկ ավագանու նիստերի դահլիճ կարող են մուտք գործել Երևանի քաղաքապետի կամ նիստը վարողի թույլտվությամբ։ Ավելացվել է նաև լրագրողների հավատարմագրման անհրաժեշտությունը։
Ընդ որում, օրենքի այս փոփոխությունների վերաբերյալ իրավական որևէ հիմնավորում չի ներկայացվել։
«Լուսավոր Հայաստան» խմբակցությունը գտնում է, որ լրագրողների համար առանձնացված տարածքում (սենյակում, սրահում) տեխնիկական միջոցներով ավագանու նիստերին հետևելը պարունակում է ռիսկեր՝ օրինակ, նիստերի ընթացքում տեխնիկական միջոցների խափանման արդյունքում, ուստի առաջարկվում է օրենքում կատարել փոփոխություն՝ վերացնել այդ սահմանափակումը, ինչպես նաև վերացնել հավատարմագրման կարգը և թույլ տալ լրագրողներին անարգել մուտք գործել Երևանի քաղաքապետարան։
Մանրամասները՝ տեսանյութում։
