02.07.2026 | 09:06
ԱԺ տարածքային կառավարման, գյուղատնտեսության և ՇՄ պահպանության հարցերի հանձնաժողովի նիստը. ՈՒՂԻՂ
Պատգամավորները չեն կարող ընդունել մի նախագիծ, որն անընդունելի է Մարտի 1-ի զոհերի հարազատների համար. Արման Բաբաջանյան․ ՏԵՍԱՆՅՈՒԹ
Քաղաքականություն
03.06.2019 | 13:36
Ազգային ժողովում քննարկվում է ԱԺ փոխնախագահներ՝ Լենա Նազարյանի և Ալեն Սիմոնյանի՝ Մարտի 1-ին տուժածներին աջակցություն տրամադրելու մասին նախագիծը։
ԱԺ «Լուսավոր Հայաստան» խմբակցության պատգամավոր Արման Բաբաջանյանի խոսքով՝ զոհերի ծնողների մտահոգությունները՝ Մարտի 1-ի իրադարձությունների ժամանակ տուժած քաղաքացիներին աջակցություն տրամադրելու վերաբերյալ, նախագծում պետք է հաշվի առնվեն։
«Երբ առաջին ընթերցմամբ քննարկում էինք նախագիծը, երկու կարևոր հայտարարություն հնչեց, որը մենք հիմա չենք կարող հաշվի չառնել առնվազն հասկանալու համար, թե Մարտի 1-ի զոհերի հարազատներն արդյոք համախո՞հ են այս օրենքի նախագծի հետ: Քննարկումից հետո մի քանի տարբեր հարթակներում տեսանք, որ ծնողները կտրականապես դեմ են, որպեսզի այս նախագծով աջակցություն ցուցաբերվի որևէ ոստիկանի: Եթե մենք ցանկանում ենք այս նախաձեռնությունը տեղավորել անցումային արդարադատության համատեքստում, կարծում եմ, որ համերաշխության այդ գլխավոր պայմանը պետք է հաշվի առնել»,- ասաց Բաբաջանյանը:
Ըստ Բաբաջանյանի՝ պատգամավորները չեն կարող ընդունել մի նախաձեռնություն, որը Մարտի 1-ի զոհերի հարազատների համար անընդունելի է:
Մանրամասները ՝տեսանյութում։
