30.03.2026 | 13:07
Թրամփը հայտարարել է, որ դեմ չէ Ռուսաստանից Կուբա նավթի մատակարարումներին
Քաղաքացիներն արձագանքում են Հայկ Մարությանի՝ նոր վերելակների համար վճարելու հայտարարությանը. ՏԵՍԱՆՅՈՒԹ
Քաղաքականություն
14.05.2019 | 18:42
Երևանի քաղաքապետ Հայկ Մարությանի՝ վերելակային տնտեսությունը փոխելու ծրագիրը քաղաքացիների կողմից միանշանակ չի ընդունվում։ Օրերս քաղաքապետը հայտարարեց, որ քաղաքային իշխանություններն ի վիճակի չեն ինքնուրույն լուծել խնդիրը, նրանք ունեն մայրաքաղաքի բնակիչների օգնության կարիքը։
Այժմ մեկ բնակարանի համար միջինը 1600 դրամ է գանձվում, վերելակները փոխելու դեպքում այդ գումարը կարող է ավելանալ մոտ 30 տոկոսով։
Factor.am-ի հարցին ի պատասխան՝ Կենտրոն վարչական շրջանի բնակիչներից ոմանք ասացին, որ քաղաքային նորընտիր իշխանության այս առաջարկից տարակուսած են: Ասում են՝ քաղաքապետարանի աշխատակիցների աշխատավարձերը բարձրացնելու փոխարեն թող վերելակները վերանորոգեն։
Խորենացի 30 հասցեի այս վերելակը շուրջ 50 տարի է՝ շահագործվում է, պարբերաբար վերանորոգելու անհրաժեշտություն է առաջանում: 13 հարկանի շենքի բնակիչները հաճախ են օգտվում կողքի մուտքի վերելակից:
Երևանի ավագանու ընդդիմադիր «Լույս» խմբակցության անդամ Դավիթ Խաժակյանը համոզված է, որ քաղաքային իշխանությունը վերելակների խնդրի լուծումը սկսել է երկրորդական հարցից։ Առավել կարևոր է, թե ինչպես է կառավարվելու վերելակային տնտեսությունը:
Դավիթ Խաժակյանը հայտարարում է, որ քաղաքային իշխանությունը՝ քաղաքապետ Հայկ Մարությանի գլխավորությամբ, ընտրվելուց մինչ օրս դեռևս չի մշակել վերելակային տնտեսությունը թարմացնելու տեսլական։
Ի դեպ՝ մեզ հետ զրույցում քաղաքացիները մեկ ուշագրավ դիտարկում ևս արեցին՝ նշելով, որ նախընտրական փուլում, երբ Հայկ Մարությանը խոստանում էր փոխել վերելակները, երբևէ չէր հիշատակում, որ դա արվելու է քաղաքացիների հաշվին։
Մանրամասները՝ տեսանյութում։
Շողիկ Գալստյան
