Չեմ ուզում, որ արհեստական կոալիցիաներ ձևավորվեն․ Լևոն Բարսեղյան. ՏԵՍԱՆՅՈՒԹ

Factor.am-ի հարցազրույցը ժուռնալիստների «Ասպարեզ» ակումբի խորհրդի նախագահ Լևոն Բարսեղյանի հետ:

– Պարոն Բարսեղյան, ձանձրալի չէ՞ արտահերթ խորհրդարանական ընտրությունների քվեարկության ընթացքը, ինչպես Երևանի ավագանու ընտրությունների ժամանակ միջազգային դիտորդներն էին նկատել:

– Ոչ մի իրարանցում, ոչ մի կուտակում, ոչ մի ընտրակաշառք։ Մեծ հաշվով չենք նկատում այն խախտումները, որոնք լինում էին նախորդ խորհրդարանական և նախագահական ընտրությունների ժամանակ։ Փոքր խախտումներ, իհարկե, արձանագրվում են։ Եվ երեկոյան 22։00-ին մեր մամլո ասուլիսի ժամանակ կանդրադառնանք առավել շատ արձանագրված խախտումներին: Բայց կազմակերպված կեղծարարության բնույթ ունեցող խախտումներ առայժմ չեն նկատվում:

– Ժամը 11:00-ի դրությամբ՝ քվեարկությանը մասնակցել է ընտրության իրավունք ունեցող քաղաքացիների 7.7 տոկոսը, մինչդեռ նախորդ ընտրություններին մասնակցության ցուցանիշը մոտ 13.5 տոկոս էր։ Ինչպե՞ս եք բացատրում այս պասիվությունը։

– Ինձ թվում է՝ դա տեղի է ունեցել հետևյալ պատճառներով. ահռելի թվով մարդիկ նախկինում ընտրությունների տարվել, և ոչ թե գնացել են, տարվել են ընտրակաշառքի դիմաց: Եվ շատերը, որոնք նախկինում ոչ թե քաղաքական, այլև նյութական ընտրություն են կատարել, հիմա հենց այնպես չեն ցանկանում մասնակցել քվեարկությանը: Այն մարդիկ, որոնք 20 տարի ընտրություններին մասնակցել ընտրակաշառքի դիմաց, չեմ կարծում, թե մի օրում կհամոզվեն, որ դա սխալ էր:

Հարցազրույցի մանրամասները՝ տեսանյութում

Արմինե Ավետյան