22.10.2026 | 13:13
Վատիկանը հայտնել է, որ Հռոմի պապն այլևս քաղցկեղի դեմ բուժման կարիք չի ունենա
ՈՒԵՖԱ-ն քննադատել է ՖԻՖԱ-ի՝ ԱԱ-2026-ում ֆուտբոլիստի կարմիր քարտը չեղարկելու որոշումը
06.07.2026 | 21:25
Ֆուտբոլային ասոցիացիաների եվրոպական միությունը (ՈՒԵՖԱ) քննադատել է Ֆուտբոլի միջազգային ֆեդերացիայի (ՖԻՖԱ)` ԱՄՆ-ի հավաքականի և «Մոնակոյի» հարձակվող Ֆոլարին Բալոգունի որակազրկումը չեղարկելու վերաբերյալ որոշումը։
ԱՄՆ-ում, Կանադայում և Մեքսիկայում անցկացվող աշխարհի առաջնությունում 24-ամյա ֆուտբոլիստը կարմիր քարտ էր ստացել Բոսնիա և Հերցեգովինայի հավաքականի դեմ 1/16 եզրափակիչի խաղում (2:0), սակայն ավելի ուշ հայտնի էր դարձել, որ Բալոգունը կկարողանա մասնակցել բելգիացիներ դեմ հաջորդ հանդիպմանը։ Մունդիալների պատմության մեջ առաջին անգամ էր ֆուտբոլիստի կարմիր քարտը չեղարկվել:
«Այս որոշումը հատում է բոլոր սահմանները։ Ֆուտբոլը, մյուս մարզաձևերի պես, հիմնված է ազնիվ, թափանցիկ և արդար մրցակցություն ապահովող կանոնների վրա։ Երբեմն կանոնները թույլ են տալիս տարբեր մեկնաբանություններ։ Այս դեպքում այդպես չէ։ Կարմիր քարտի դեպքում մեկխաղյա որակազրկումը սահմանված է կանոններով և չի կարող լինել որեւէ բացառություն։ Սա կանոնակարգում ամրագրված սկզբունք է, որը չի կարող բացառությունների ենթարկվել, հատկապես՝ մրցաշարի ընթացքում, որտեղ մի քանի այլ խաղացողներ հայտնվել են նմանատիպ իրավիճակում և կրել են իրենց որակազրկումները։ Երբ կանոնները չեն պահպանվում, խաղի ամբողջականությունը վտանգվում է, և մրցումների նկատմամբ վստահությունը խաթարվում է։ Այս որոշումը նմանատիպ նախադեպ է ստեղծում այս մրցաշարի համար։
Ֆուտբոլը գեղեցիկ խաղ է, և այն վստահելի է, քանի որ բոլոր երկրներում այն խաղում են նույն կանոններով։ Մրցաշարը երբեք առանձին միջոցառում չէ, և եթե խոսքն աշխարհի առաջնության մասին է, այն կարող է ինչպես դրական, այնպես էլ բացասական ազդեցություն ունենալ խաղի վրա։ Մենք մեր տարակուսանքն ենք հայտնում նման աննախադեպ, անհասկանալի և չարդարացված որոշման կապակցությամբ»,- նշված է ՈՒԵՖԱ-ի հայտարարության մեջ։
Հիշեցնենք, որ ԱՄՆ – Բելգիա 1/8 եզրափակիչի հանդիպումը կկայանա հուլիսի 6-ին Սիեթլում։
