22.10.2026 | 11:39
ԻՀՊԿ-ն հայտնել է Պարսից ծոցում չորս լցանավի հարվածելու մասին
Չեմպիոնների լիգա. Հենրիխ Մխիթարյանի գոլային փոխանցումն օգնել է «Ինտերին». ՏԵՍԱՆՅՈՒԹ
22.10.2026 | 10:33
Ֆուտբոլի Չեմպիոնների լիգայի երրորդ տուրում Իտալիայի չեմպիոն Միլանի «Ինտերը» Հենրիխ Մխիթարյանի գոլային փոխանցման օգնությամբ 1:0 հաշվով տնային հաղթանակ է տարել ուկրաինական «Շախտյորի» նկատմամբ։
37-ամյա հայ կիսապաշտպանն իր նախկին թիմի դեմ խաղում փոխարինման է մտել 75-րդ րոպեին, իսկ երկու րոպե անց գոլային փոխանցում է կատարել բրազիլացի պաշտպան Կառլոս Աուգուստոյին (տեսանյութ)։ 68-րդ րոպեից դաշտի տերերը 10 ֆուտբոլիստով էին խաղում իտալացի պաշտպան Ալեսանդրո Բաստոնիի հեռացման պատճառով:
Հայաստանի հավաքականի նախկին ավագն առաջին արդյունավետ գործողությունն է կատարել Չեմպիոնների լիգայի այս մրցաշրջանում՝ անցկացնելով երկրորդ հանդիպումը:
Հենրիխ Մխիթարյանը Չեմպիոնների լիգայում անցկացրել է 81-րդ հանդիպումը և այդ ցուցանիշով շրջանցել է Զինեդին Զիդանին, Տիագո Ալկանտարային, Ջեյմի Կարագերին ու Վոյցեխ Շչեսնիին:
Դավիթ Եղիազարյան
