22.10.2026 | 12:49
Լեհաստանում հերքել են Ուկրաինային ռազմական օգնությունը դադարեցնելու մասին տեղեկությունը
Հայաստանը հայտնվել է National Geographic-ի՝ 2027 թվականի լավագույն զբոսաշրջային ուղղությունների ցանկում
22.10.2026 | 11:48
National Geographic պարբերականը Հայաստանն ընդգրկել է 2027 թվականի աշխարհի լավագույն ճամփորդական ուղղությունների շարքում։ Պարբերականն առանձնացրել է Հայաստանի լեռնային բնությունը, պատմական վանքերը և քայլարշավային զբոսաշրջության հնարավորությունները՝ հատկապես Տրանսկովկասյան արահետը։
Զբոսաշրջության կոմիտեի հաղորդագրությունը՝ ստորև․
«Հայաստանը՝ աշխարհի լավագույն զբոսաշրջային ուղղությունների շարքում:
Հեղինակավոր National Geographic պարբերականն իր «2027 թվականի աշխարհի լավագույն ճամփորդական ուղղությունները» հոդվածում անդրադարձել է Հայաստանին։
Հոդվածն ընդգծում է Հայաստանի բնության և լեռնային լանդշաֆտների գրավչությունը, ինչպես նաև Տրանսկովկասյան արահետը, որը հնարավորություն է տալիս բացահայտել երկրի հեռավոր անկյունները, պատմական վանքերն ու գյուղական համայնքները։ Անդրադարձ է կատարվում նաև արահետային ենթակառուցվածքների բարելավմանն ուղղված աշխատանքներին և Հայկական ազգային արահետի զարգացմանը։
Միջազգային հեղինակավոր լրատվամիջոցների անդրադարձը նպաստում է Հայաստանի, որպես բնության, արկածային զբոսաշրջության և քայլարշավների գրավիչ ուղղության ճանաչելիության բարձրացմանը»։
