Վրաստանի նախագահը հույս է հայտնում, որ կստորագրվի «պատմական խաղաղության պայմանագիրը»

Լուրեր

19.11.2026 | 18:50
Նախարարը հորդորում է, որ համայնքի ղեկավարներն ինձ դատի տան, բայց ինքը չի տալիս․ Իրինա Յոլյան. ՏԵՍԱՆՅՈՒԹ
19.11.2026 | 18:37
Պուտինը պատմել է «փոխզիջումների» մասին, որոնց պետք է համաձայնել՝ պատերազմը դադարեցնելու համար
19.11.2026 | 18:29
Իտալական ակումբը պայմանագիր է կնքել շան հետ
19.11.2026 | 18:20
Հովհաննես Հովհաննիսյանը ևս 5 տարի կշարունակի լինել ԵՊՀ ռեկտոր
19.11.2026 | 18:10
Լատվիայի նոր կառավարությունը խոստացել է երկրի «ապառուսականացում» իրականացնել և սահմանափակել ռուսերենի օգտագործումը
19.11.2026 | 17:59
Ռուսաստանի պատասխանն ավելի ցավոտ կլինի․ Պուտինն առաջին անգամ մեկնաբանել է Ղրիմի կամրջին ուկրաինական հարվածները
19.11.2026 | 17:52
Նախազգուշացում եմ հայտարարում 75 համարի տակ հանդես եկող պատգամավորին․ Ռուբինյանը՝ Ղազարյանին․ ՏԵՍԱՆՅՈՒԹ
19.11.2026 | 17:42
Վեց երկիր, այդ թվում՝ ՀՀ-ն և ԱՄՆ-ն, դեմ են քվեարկել Իսլամական կազմակերպության հետ համագործակցության մասին ՄԱԿ-ի բանաձևին
19.11.2026 | 17:30
Արդյո՞ք Իրանն ու Ադրբեջանը կարող են դառնալ ռուսական գազի այլընտրանքային մատակարար
19.11.2026 | 17:19
Օլիմպիական չեմպիոնը երեք տարով որակազրկվել է դոպինգի համար
19.11.2026 | 17:07
Ինչո՞ւ հետաձգվեց, ապա չեղարկվեց Միրզոյանի և Գերմանիայի ԱԳ նախարարի համատեղ ասուլիսը
19.11.2026 | 17:00
ԱՄՆ-ում ռուսաստանցի է ձերբակալվել լրտեսության մեղադրանքով․ նա հետևել է Ուկրաինային աջակցող ընկերության գործունեությանը
19.11.2026 | 16:51
Փաշինյանը դեկտեմբերի 3-ին կմեկնի Մոսկվա և կհանդիպի Պուտինի հետ․ ՏԵՍԱՆՅՈՒԹ
19.11.2026 | 16:46
Ամերիկյան AECOM-ը Մհեր Գրիգորյանին ներկայացրել է ԹՐԻՓՓ նախագծի տեխնիկատնտեսական ուսումնասիրության նախնական արդյունքները
19.11.2026 | 16:35
Բագրատ արքեպիսկոպոս Գալստանյանի տնային կալանքի ժամկետը 3 ամսով երկարաձգվեց
Բոլորը

«Վրաստանը ողջունում է Ադրբեջանի և Հայաստանի միջև խաղաղության համաձայնագրի բոլոր կետերի շուրջ բանակցային գործընթացի ավարտը։ Սա, անկասկած, առաջընթաց քայլ է տարածաշրջանի ներուժի և հնարավորությունների ցուցադրման և օգտագործման գործում»,- այս մասին հայտարարել է Վրաստանի նախագահ Միխեիլ Ղավելաշվիլին Բաքվում Ադրբեջանի նախագահ Իլհամ Ալիևի հետ հանդիպումից հետո համատեղ մամուլի ասուլիսում, փոխանցում է վրացական «Առաջին ալիքը»։

Նա նշել է, որ Վրաստանը մշտապես եղել է երկխոսության, դիվանագիտության և Հարավային Կովկասում խաղաղ համակեցության կողմնակից, և այդ ուղղությունը կպահպանվի նաև ապագայում։

«Մենք հույս ունենք, որ մոտ ապագայում կստորագրվի պատմական համաձայնագիր, որը կարևոր խթան կհանդիսանա տարածաշրջանում երկարաժամկետ և կայուն խաղաղության ապահովման համար։
Եվս մեկ անգամ ցանկանում եմ ընդգծել Վրաստանի հռչակած խաղաղության քաղաքականությունն ու տարածաշրջանում խաղաղության ապահովմանը նպաստելու պատրաստակամությունը։
Վստահեցնում եմ ձեզ՝ Վրաստանը միշտ եղել է Հարավային Կովկասում երկխոսության, դիվանագիտության և խաղաղ համակեցության կողմնակից, և այդ ուղին կշարունակվի նաև ապագայում», – ասել է Ղավելաշվիլին՝ ընդգծելով, որ երկրների միջև գոյություն ունեցող հատուկ և երկարատև բարեկամությունն ու խելամիտ ընդհանուր քաղաքականությունը հնարավորություն են տվել ճիշտ ձևակերպել տարածաշրջանի դերը։

«Վստահ եմ, որ մեր ընդհանուր ապագան պատկերացնում ենք հաջողակ, տնտեսապես ուժեղ և բարգավաճ Հարավային Կովկասում, որտեղ մեր ժողովուրդները կապրեն երջանիկ համակեցության մեջ՝ իրենց ավանդույթներով ու սովորույթներով, ոչ թե պարտադրված կեղծ-լիբերալ արժեքներով։
Ցավոք, վերջին շրջանում մեր երկրները բազմիցս դարձել են կրկնակի ստանդարտների և արտաքին ուժերի միջամտության օբյեկտ։ Չնայած բազմաթիվ ջանքերին՝ մենք վճռականորեն հակազդում ենք այս սպառնալիքներին՝ ապահովելով տարածաշրջանում անվտանգությունն ու կայունությունը։ Անհնար է, որ որևէ երրորդ երկիր կամ կազմակերպություն մեզանից լավ իմանա, թե ինչն է լավագույնը մեր ժողովրդի համար», – հայտարարել է Վրաստանի նախագահը։

Ադրբեջանական լրատվամիջոցների հաղորդմամբ՝ նա նաև նշել է, որ Վրաստանը կողմ է խաղաղությանը և հակամարտությունների կարգավորմանը երկխոսության միջոցով։

«Տարածաշրջանի ողջ ներուժը կարող է բացահայտվել Հայաստանի և Ադրբեջանի միջև խաղաղության պայմանագրի ստորագրումից հետո։ Ես ևս մեկ անգամ հաստատում եմ իմ երկրի դիրքորոշումը՝ երկխոսության և դիվանագիտության օգտին»,- նշել է Վրաստանի նախագահը՝ վստահություն հայտնելով, որ Բաքվի և Թբիլիսիի միջև ռազմավարական գործընկերությունն ու բարիդրացիական հարաբերությունները կզարգանան և կհասնեն նոր մակարդակի։

«Մեր երկրների միջև բարեկամությունը հիմնված է փոխադարձ հարգանքի և ազգային շահերի փոխադարձ ըմբռնման վրա։ Մենք գիտակցում ենք փոխադարձ վստահության և տրված խոսքի արժեքը։ Այդ պատճառով Վրաստանի և Ադրբեջանի ռազմավարական բարեկամությունն ու համագործակցությունը կարելի է համարել օրինակելի», – հավելել է Ղավելաշվիլին։

Նա նաև նշել է, որ Վրաստանն ու Ադրբեջանը վճռականորեն աջակցում են միմյանց ինքնիշխանությանը և տարածքային ամբողջականությանը՝ շնորհակալություն հայտնելով Ալիևին այդ աջակցության համար։

Նշենք, որ նախօրեին Ղավելաշվիլին հանդիպել էր Ադրբեջանի վարչապետ Ալի Ասադովի հետ։

Վրաստանի նախագահի մամուլի ծառայության հաղորդմամբ՝ զրույցի հիմնական թեմաները եղել են երկու երկրների միջև ռազմավարական գործընկերության ուղղությունները և տարբեր ոլորտներում հաջող համագործակցությունը, այդ թվում՝ բազմակողմ տարածաշրջանային և միջազգային ձևաչափերում։

«Հանդիպման ընթացքում ուշադրություն է դարձվել առևտրատնտեսական հարաբերությունների հետագա խորացմանն ու համատեղ տարածաշրջանային նախագծերին։ Նշվել է Միջին միջանցքի կարևորությունը, այդ թվում՝ բեռնափոխադրումների ավելացման տեսանկյունից։ Ընդգծվել է նաև Հարավային Կովկասի տարածաշրջանում խաղաղության և կայունության ապահովման անհրաժեշտությունը», – ասվում է հաղորդագրության մեջ։

Ղավելաշվիլին նաև շնորհակալություն է հայտնել Ադրբեջանի վարչապետին՝ Վրաստանի ինքնիշխանությանն ու տարածքային ամբողջականությանը ցուցաբերած շարունակական աջակցության համար։

Թարգմանությունը՝ Էմմա Չոբանյանի