19.08.2026 | 09:33
ՀՀ տարածքում ավտոճանապարհներն անցանելի են
Հայաստանը նախապատրաստվում է Եվրոպական քաղաքական համայնքի գագաթնաժողովի հյուրընկալմանը․ քննարկվել են կազմակերպչական աշխատանքները
Քաղաքականություն
05.12.2025 | 23:16
Վարչապետի աշխատակազմի ղեկավար Արայիկ Հարությունյանը Ֆրանսիայի հատուկ հանձնակատար Հյուգ Մորեի հետ քննարկել է 2025-ի մայիսին Հայաստանում կայանալիք Եվրոպական քաղաքական համայնքի 8-րդ գագաթնաժողովի նախապատրաստական ընթացքը՝ ընդգծելով, որ Հայաստանը գործադրում է բոլոր ջանքերը միջոցառումը բարձր մակարդակով անցկացնելու համար, իսկ Ֆրանսիան պատրաստ է աջակցել բոլոր փուլերում։
«Զրուցակիցները քննարկել են Հայաստանում հաջորդ տարվա մայիսին կայանալիք Եվրոպական քաղաքական համայնքի 8–րդ գագաթնաժողովի անցկացմանն ու այդ ուղղությամբ իրականացվող նախապատրաստական աշխատանքներին վերաբերող հարցեր։
Արայիկ Հարությունյանը նշել է, որ աշխատանքները գտնվում են ակտիվ փուլում և ՀՀ Կառավարությունը ներդնում է բոլոր ջանքերը՝ գագաթնաժողովը բարձր մակարդակով կազմակերպելու համար։ Վարչապետի աշխատակազմի ղեկավարի համոզմամբ՝ գագաթնաժողովի հյուրընկալումն էլ ավելի կամրապնդի ՀՀ–ԵՄ համագործակցությունն ու կնպաստի համատեղ նոր ծրագրերի իրականացմանը։
Հյուգ Մորեն համոզմունք է հայտնել, որ միջոցառումը մեր երկրում կանցնի լավագույնս և ընդգծել Ֆրանսիայի պատրաստակամությունը՝ տարբեր ուղղություններով աջակցելու նախապատրաստական հետագա աշխատանքներին։
Զրուցակիցներն անդրադարձ են կատարել նաև Հայաստան–Ֆրանսիա հարաբերությունների հետագա զարգացմանն ու այդ առումով կարևորել բարձր մակարդակի փոխայցելությունների կազմակերպումը»,- ասված է հաղորդագրությունում։
