05.12.2025 | 23:32
ԱԱ․ Բաչկովը հաղթել է ժամկետից շուտ, Մաշակարյանը և Հովհաննիսյանը ևս շարժվում են առաջ
«Ինձ մոռացան»․ Թամանյանի թիկունքում Կասկադն են փոխում՝ առանց հեղինակի. ՏԵՍԱՆՅՈՒԹ
Հասարակություն
26.02.2025 | 22:33
Օրերս հայտնի դարձավ, որ Կասկադ համալիրի վերակառուցման աշխատանքների հետ կապված մրցույթում հաղթել է 4 ընկերություններից բաղկացած կոնսորցիումը, որի անունից հանդես է գալու «Ջի Թի Բի դիվելոփմենթ» ՍՊԸ-ն։ Նախատեսվում է 20 մլրդ 46 մլն դրամի ներդրում։ Նախագիծն ամբողջությամբ նախատեսվում է ավարտել 5 տարում։
Դեռևս 2024 թվականի սեպտեմբերին Երևանի քաղաքապետարանը համալիրի արդիականացման 2 նախագիծ էր ներկայացրել՝ մշակված ամերիկյան և ֆրանսիական ընկերությունների կողմից։ «Ակտիվ քաղաքացի» հարթակում երևանցիները ձայների մեծամասնությունը տվել էին ֆրանսիական նախագծին։ Կասկադի վերակառուցման աշխատանքների հետ կապված հունվարի 17-ին հայտարարված մրցույթի արդյունքներն ամփոփվել են փետրվարի 17-ին։
Ճարտարապետական համայնքը, սակայն, տարակուսած է․ նախ՝ հարց է առաջանում՝ ինչո՞ւ Կասկադի արդիականացումը չվստահվեց հենց համալիրի հեղինակներից Ասլան Մխիթարյանին, փոխարենը նախընտրությունը տրվեց ֆրանսիացի ճարտարապետ Ժան Միշել Վիլմոնտին։
«Ինչո՞ւ եք հրաժարվում եղած նախագծից, ինչո՞ւ եք որոշել, որ պետք է հրատապ ակտիվություն ցուցաբերեք մի տեղ, որտեղ դրա կարիքը չկա։ Կասկադը մոդեռնիզացման ենթակա չէ։ Դա հուշարձան է, այնտեղ ֆունկցիաներ խցկելով՝ ոչ մի բան չեք շահելու»,- ասում է ճարտարապետ Միսակ Խոստիկյանը։
Ասլան Մխիթարյանը, որը Կասկադը նախագծել է ավելի քան 50 տարի առաջ, շեշտում է՝ իրեն ոչ ոք համալիրի արդիականացման հետ կապված առաջարկ չի արել։
Տիգրան Ավինյանի խոսքով՝ ճարտարապետական հանրույթի շրջանում Կասկադ համալիրի վերաբերյալ չկա միասնական կարծիք և կոնսեսուսային լուծում․ դա է եղել պատճառը, որ միջազգային երկու նախագծերը դրվել են հանրային քննարկման։
Ծրագիրը նախատեսում է «Կասկադ» համալիրի անավարտ հատվածի կառուցում՝ ապահովելով մշակութային կոթողի ամբողջական, ավարտուն տեսքը։ Ըստ նախագծի՝ կստեղծվեն շուրջ 1000 հոգու համար նախատեսված համերգասրահ, ժամանակակից արվեստի նոր թանգարան, արվեստանոցներ, ժամանցի և հանգստի գոտիներ:
Մանրամասները՝ տեսանյութում։
Աննա Բաբաջանյան
