12.01.2026 | 23:30
Գերմանիան և Հնդկաստանն ընդլայնում են ռազմական համագործակցությունը
BP-ն հրաժարվում է Բաքու-Սուփսա և Բաքու-Թբիլիսի-Ջեյհան խողովակաշարերի օպերատորի իրավունքից
Քաղաքականություն
05.12.2025 | 23:30
BP-ն բանակցություններ է վարում Բաքու-Սուփսա և Բաքու-Թբիլիսի-Ջեյհան (ԲԹՋ) նավթամուղերի օպերատորի իր դերը փոխանցելու հարցով։ Ըստ ադրբեջանական լրատվամիջոցների՝ այս մասին Business Media-ին տեղեկացրել է Վրաստանում ընկերության ներկայացուցչությունը։
Ըստ տեղեկությունների՝ BP-ն բանակցություններ է վարում համապատասխան կողմերի հետ խողովակաշարային համակարգի կառավարման փոխանցման վերաբերյալ՝ համաձայն գործող պայմանագրերի։ Բանակցություններում ուշադրության կենտրոնում է Վրաստանում գտնվող Բաքու-Սուփսա խողովակաշարի օբյեկտների փոխանցումը Վրաստանի նավթի և գազի կորպորացիային կամ դրա կողմից նշանակված օպերատորին, ինչպես նաև BTC-ի և Հարավային Կովկասի խողովակաշարի կառավարման և գլխավոր օպերատորի գործառույթների փոխանցումը SOCAR Midstream-ին։
Չնայած Վրաստանի տարածքով անցնող երկու խողովակաշարերի շահագործումից հանելուն՝ BP-ն շարունակում է մնալ Բաքու-Թբիլիսի-Ջեյհանի և Հարավկովկասյան խողովակաշարի բաժնետեր։ Ընկերությունը տիրապետում է ԲԹՋ-ի բաժնետոմսերի 30,1%-ին և Հարավկովկասյան խողովակաշարի 29,99%-ին։
Օպերատորի փոխանցումը նախատեսվում է ավարտել մինչև 2026 թվականի առաջին կեսի ավարտը՝ համապատասխան համաձայնագրի կնքման դեպքում։
Նշվում է, որ օպերատորի փոխանցումը չի վերաբերում Սանգաչալի տերմինալին: Համապատասխան կողմերին օպերատորի փոխանցումից հետո BP-ն կպահպանի Ազերի-Չիրագ-Գյունեշլի, Շահ Դենիզ և Սանգաչալի տերմինալ նախագծերի օպերատորի իրավունքը և կշարունակի մասնակցել որպես բաժնետեր BTC և SCP նախագծերում։
Վրաստանում օպերատորի փոխանցումից հետո BP-ն կանցկացնի գնահատում, որը որոշ ժամանակ կպահանջի։
Թարգմանությունը՝ Էմմա Չոբանյանի
