29.01.2026 | 16:54
Բաքուն «Զանգեզուր» անվամբ էլեկտրահաղորդման գիծ է կառուցում Ադրբեջան-Թուրքիա-Եվրոպա միջազգային էներգետիկ միջանցքի շրջանակում
Վեթինգի հակառակ կողմը․ հետաքննություններ՝ դատական համակարգում կոռուպցիա ծնող խորքային պատճառների մասին
Հասարակություն
29.11.2024 | 13:20
Բարձրագույն դատական խորհրդի նախագահ Կարեն Անդրեասյանը նոյեմբերի 18-ին հրաժարականի դիմում ներկայացրեց՝ նշելով․ «Առերևույթ ամեն ինչ պարզ է, իսկ խորքային պատճառները չեմ ուզում ասել:
Փոխարենը, որպես իր աշխատանքի արդյունք, նա արձանագրեց․ դատական համակարգը դուրս է բերել խայտառակ ճգնաժամից, այդ հանգամանքը չեն ընդունում միայն այն անձինք կամ նրանց մերձավորները, որոնց ինքը ցավեցրել է՝ հանուն համակարգի վիրահատական բուժման։
«Գնում եմ առանց սկանդալի, մաղձի ու հիասթափության և այս թունավոր պաշտոնում`ամենաերկարը դիմացած»,-հրաժարականի տեքստում գրել էր ԲԴԽ նախագահը։
Ինչ «վիրահատություններ» են արվել դատական համակարգում, արդյոք դրանք միտվա՞ծ էին դատական համակարգը բուժելուն, ինչո՞ւ է ԲԴԽ նախագահի պաշտոնը թունավոր, և ո՞վ է այն թունավորում։ Հայաստանում տեղի ունեցած իշխանափոխությունից 6 տարի անց արդյո՞ք դատական համակարգը ենթարկվել է վեթինգի, ինչպես հայտարարում էր վարչապետ Նիկոլ Փաշինյանը, արդարադատություն իրականացնելիս դատավորներն այժմ նայում են մարդկանց ձեռքերի՞ն, թե աչքերին։
Այս հարցերի պատասխանները կգտնեք՝ դատաիրավական համակարգի վերաբերյալ Factor TV-ի հետաքննությունների հավաքական քարտեզագրման մեջ, որում զետեղված նյութերում խորքային անդրադարձել ենք դատական համակարգի խնդիրներին, դրանք ծնող պատճառներին ու հնարավոր լուծումներին։ «Ի նպաստ Հայաստանի դատական համակարգի բարեվարքության ամրապնդման» ծրագրի շրջանակներում մեկ տարվա ընթացքում ուսումնասիրված եւ ներկայացված է հսկայական տեղեկատվություն, որը, հուսով ենք, օգտակար շտեմարան կլինի դատաիրավական համակարգում իրապես բարեփոխումներ իրականացնելու նպատակ եւ շահագրգռություն ունեցող կառույցների եվ անհատների համար։
