05.12.2025 | 23:32
ԱԱ․ Բաչկովը հաղթել է ժամկետից շուտ, Մաշակարյանը և Հովհաննիսյանը ևս շարժվում են առաջ
Բուհեր կան՝ պետք է փակվեն․ համակարգից դուրս մնացած մարդիկ պետք է փոխհատուցում ստանան․ Դավիթ Ամիրյան․ ՏԵՍԱՆՅՈՒԹ
Հասարակություն
14.04.2023 | 14:56
«Ոչ մի խնդիր դա չի լուծելու»,- «Արդյոք նոր ռազմավարությունն ու ակադեմիական քաղաքը լուծելո՞ւ են խնդիրները» թեմայով քննարկմանն այս կարծիքը հայտնեց ԵՊՀ դասախոս Դավիթ Ամիրյանը։
Նրա դիտարկմամբ՝ տեխնիկական հագեցվածությունը չի ազդելու կրթության որակի վրա։
«Տեխնիկական բարեփոխումներ հիմա էլ են իրականացվում, էլեկտրոնային համակարգ է ներդրվում, ինչ-որ բաներ արվում են, բայց դա միայն մեխանիկական գործիք է դառնում, իսկ կրթության որակի և բովանդակության վրա որևէ ազդեցություն չի ունենում»։
Դասախոսի դիտարկմամբ՝ երիտասարդների շրջանում տարեկան մեկ-երկու լուսավոր, պայծառ շրջանավարտ է լինում, որոնք սակայն հրաժարվում են դառնալ ասպիրանտ, մնալ գիտության մեջ։
«Եթե մենք ակադեմիական քաղաք սարքենք, դրանից ինչ-որ բան փոխվելո՞ւ է, ո՛չ, չի փոխվելու։ Մենք չունենք մի կարևոր հարցի պատասխան՝ ի՞նչն ենք ուզում փոխել։
Կրթության գիտության ոլորտի բարեփոխումների վերաբերյալ փաստաթղթերը ոլորտի բոլոր մակարդակների բոլոր դերակատարների համար կոնսենսուսային փաստաթղթեր չեն»,- նշեց Ամիրյանը։
Նրա խոսքով՝ նոր ռազմավարության արդյունքում բուհեր կան, որ պետք է փակվեն․ «Համակարգից դուրս մնացած մարդիկ պետք է փոխհատուցում ստանան»։
Մանրամասները՝ տեսանյութում։
