22.04.2026 | 12:52
«Չելսին» 1912 թ․ անհաջող շարքն է կրկնել․ ՏԵՍԱՆՅՈՒԹ
Ստացվել է շարադրություն, ո՛չ թե ռազմավարություն․ փորձագետը դժգոհ է կրթության ռազմավարությունից․ ՏԵՍԱՆՅՈՒԹ
Հասարակություն
07.09.2022 | 11:06
2022 թ․ հուլիսի 28-ին կառավարությունը հավանություն էր տվել Կրթության մինչև 2030 թ․ զարգացման պետական ծրագիրը հաստատելու մասին օրենքի նախագծին։ Կառավարության սեպտեմբերի 1-ի նիստում վարչապետ Նիկոլ Փաշինյանը համոզմունք հայտնեց, որ այդ փաստաթղթի բարեհաջող ապահովումը բարելավելու է Հայաստանի ապագան։
«Դրական է, որ վերջապես ռազմավարական ծրագիր ներկայացվեց, բայց երբ նայում ենք փաստաթղթի բովանդակությանը, տպավորություն է ստեղծվում, որ անցյալից դասեր չենք քաղել և կրկնում ենք նույն սխալները»,- «Բազմաթիվ բուհեր հոգեվարքի մեջ են: Իսկ ինչի՞ մեջ է կրթության ռազմավարությունը» թեմայով քննարկման ժամանակ այս մասին նշեց կրթության փորձագետ Սերոբ Խաչատրյանը։
Նրա դիտարկմամբ՝ շատ կարևոր է, որ փաստաթղթի ընդունումը մասնակցային լինի։ «Մեզ մոտ այդպես չէ, փաստաթուղթը շարադրվում է, հետո որպես հեղինակային աշխատանք դրվում է հանրային քննարկման։ Այսպիսի փաստաթղթերը ձախողվում են, հաջողության և իրագործման շանս չունեն։ Նախ բոլոր խաղացողներին՝ այդ թվում՝ ՀԿ սեկտորի, միջազգային կազմակերպությունների ներկայացուցիչների, ուսուցիչների, աշակերտների, ծնողների պետք էր հավաքել և հիմնական թեզերի շուրջ այնքան քննարկումներ անել, մինչև որ ինչ-որ հարցերի շուրջ գային համաձայնության»,- նշեց Խաչատրյանը։
Փորձագետի դիտարկմամբ՝ այս փաստաթղթում կան թեզեր, որոնք արտացոլում են հետպատերազմյան իրավիճակը․ «Բայց ավելի շուտ ստացվել է շարադրություն, քան թե ռազավարական ծրագիր»։
Մանրամասները՝ տեսանյութում։
