13.05.2026 | 22:27
Հայտնի է Հայաստանի Գավաթի եզրափակիչը սպասարկող մրցավարական անձնակազմը
Ռուսաստանն ուշադիր հետևում է Երևանի և Բաքվի միջև խաղաղ պայմանագրի ստորագրման շուրջ քննարկումներին․ Զախարովա
Քաղաքականություն
09.09.2021 | 19:15
Ռուսաստանը ուշադիր հետևում է Երևանի և Բաքվի միջև խաղաղ պայմանագրի ստորագրման շուրջ քննարկումներին: Այս մասին ամենշաբաթյա ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Մենք ուշադրությամբ հետևում ենք երկու երկրների միջև խաղաղության պայմանագրի, Լեռնային Ղարաբաղի կարգավիճակի վերաբերյալ քննարկումներին Հայաստանում ու Ադրբեջանում»,- ասել է Զախարովան։
Նրա խոսքով՝ քաղաքական հարցերով սկզբունքային տարաձայնությունները, ցավոք, պահպանվում են։
«Ցավոք, կողմերի միջև քաղաքական հարցերի շուրջ սկզբունքային տարաձայնությունները պահպանվում են, հենց այս պատճառով էլ այս փուլում առաջնային ենք համարում 2020թ. նոյեմբերի 9-ի և 2021թ. հունվարի 11-ի եռակողմ պայմանավորվածությունների բոլոր դրույթների աներկբա կատարումը և, իհարկե, առաջին հերթին դա վերաբերում է կրակի դադարեցման ռեժիմի պահպանմանը, մարդասիրական հարցերի լուծմանը, տարածաշրջանում տնտեսական, տրանսպորտային կապերի ապաարգելափակմանը և հույս ունենք, որ տվյալ քայլերը կօգնեն պայմաններ ստեղծել հայ-ադրբեջանական կապերի և վերջնական քաղաքական կարգավորման համար»,-ասել է Զախարովան:
