05.12.2025 | 23:32
ԱԱ․ Բաչկովը հաղթել է ժամկետից շուտ, Մաշակարյանը և Հովհաննիսյանը ևս շարժվում են առաջ
Մի՛ լռիր, եթե նույնիսկ դրդողը ոստիկանն է կամ դատավորը․ ընտանեկան բռնության դեմ պայքար՝ արվեստի միջոցով
31.10.2017 | 16:16
Մալաթիա-Սեբաստիա վարչական շրջանի Սվաճյան փողոցում օրերս հայտնվել է սթրիթ արտի նմուշ՝ ընտանեկան բռնության թեմայով։ Այն իրականացվել է «Մեդիալաբի» մեկնարկած նոր ծրագրի շրջանակում։ Նպատակը սթրիթ արտի հնարավորությունները օգտագործելով՝ հասարակական-քաղաքական կարևոր խնդիրները վեր հանելն է։
Բռնության թեմայով սթրիթ արտ աշխատանքի միջոցով փորձ է արվում բռնության ենթարկվածներին չլռելու կոչ անել։ «Մեդիալաբի» գլխավոր խմբագիր Մարիաննա Գրիգորյանը այն համոզման է, որ բռնության դեմ պայքարում են օրենքով։ Նա անդրադառնում է «Ընտանեկան բռնության կանխարգելման և ընտանեկան բռնության ենթարկված անձանց պաշտպանության մասին» օրենքի նախագծի ընդունման շուրջ բարձրացած աղմուկին։
Մարիաննա Գրիգորյանը շեշտում է, որ սթրիթ արտի այս օրինակը լրագրության, արվեստի և քաղաքացիական ակտիվության միաձուլումն է, որը կարող է մեծ ազդեցություն ունենալ մարդկանց ենթագիտակցության վրա։ Ի դեպ, Մարիաննա Գրիգորյանը այն համոզման է, որ սթրիթ արտի այս օրինակը կարող է երկար կյանք չունենալ։
Factor.am-ը թեմայի շուրջ հարցախույզ անցկացրեց քաղաքացիների շրջանում՝ պարզելու՝ ըստ նրանց՝ «Ընտանեկան բռնության կանխարգելման և ընտանեկան բռնության ենթարկված անձանց պաշտպանության մասին» օրենքի նախագծի ընդունումը այսօր որքանո՞վ է հրատապ, բռնության ենթարկվողը պետք է լռի, թե՞ բարձրաձայնի իր խնդրի մասին։
Մանրամասները՝ տեսանյութում։
Աննա Բաբաջանյան
