23.01.2026 | 18:19
Վարչապետի գլխավորությամբ քննարկվել են հարկային քաղաքականության հետագա բարելավմանը վերաբերող հարցեր
ԱԺ-ում գտնվող «Գետափ գյուղի աշունը» և «Աշտարակի հին կամուրջը» գեղանկարները կամրացվեն Հայաստանի ազգային պատկերասրահին
Մշակույթ
04.12.2025 | 18:23
Կառավարությունն այսօրվա նիստի ընթացքում ընդունել է «Գույքը հետ վերցնելու, ամրացնելու և անհատույց օգտագործման իրավունքով ամրացնելու մասին» որոշում։
«Ըստ այդմ՝ «Գետափ գյուղի աշունը» (հեղինակ՝ Առաքել Առաքելյան, ստեղծման ժամանակը՝ 1960-1970-ական թթ., չափերը՝ 70×96 սմ, կտավ՝ յուղաներկ, գեղանկարչական) և «Աշտարակի հին կամուրջը» (հեղինակ՝ Սիրանուշ Գևորգյան, ստեղծման ժամանակը՝ 1959-1960 թթ., չափերը՝ 83×124 սմ, կտավ՝ յուղաներկ, գեղանկարչական) գեղանկարները հետ վերցնել Ազգային ժողովի աշխատակազմից և անհատույց անժամկետ օգտագործման իրավունքով ամրացնել Հայաստանի ազգային պատկերասրահին:
Որոշման ընդունումը պայմանավորված է՝ գեղանկարները սխալ պայմաններում պահելու, որի արդյունքում վնասվելու և նրանց հետագա պահպանումը և օգտագործումը ապահովելու հանգամանքով»,- ասված է ՀՀ կառավարության տարածած հաղորդագրությունում։
