«Հարգելի հայրենակիցներ, հատկապես վարորդներ, ջերմաստիճանի անկմամբ պայմանավորված առաջիկա գիշերը և առավոտյան բոլոր ավտոճանապարհները պատվելու են մերկասառույցով։ Կլինեք առավել զգոն»,- գրել է Հիդրոօդերևութաբանության և մոնիտորինգի կենտրոնի տնօրենի տեղակալ Գագիկ Սուրենյանը:

«Ռազմական դրությամբ պայմանավորված առողջապահական միջոցառումների ապահովում» միջոցառման շրջանակում 2020 թվականի հոկտեմբերի 15-ի թիվ 1825 պայմանագրով ՀՀ կառավարությունը ձեռք է բերել 19 հատ «TOYOTA LC 78-4.5 TURBO DSL-E» և 11 հատ «TOYOTA LC 78-E» մակնիշի շտապօգնության մեքենաներ։ «TOYOTA LC 78-4.5 TURBO DSL-E» շտապօգնության մեքենաներից յուրաքանաչյուրի արժեքը 37 հազար 195 դոլարի է կամ 18 մլն 495 հազար …

SARS-CoV-2 վիրուսի նոր հայտնաբերված տարատեսակը, կարծես, ավելի վարակիչ է, քան հայտնի COVID-19-ը: Ահա այն, ինչ հայտնի է գիտնականներին այս պահին: Մանրամասները՝ VOA-ի տեսանյութում:  

Թուրքիայի մեջլիսի գլխավոր խորհրդում ընդունվել է Թուրքիայի և Ադրբեջանի միջև արտոնյալ առևտրի համաձայնագրի վերաբերյալ օրենքի նախագիծը. գրում է ermenihaber-ը: Խորհրդարանի ազգայնամոլական «Ազգայնական շարժում» (ԱՇԿ-MHP) կուսակցության պատգամավոր Յաշար Քարադաղն, անդրադառնալով օրենքի նախագծին, ընդգծել է, որ թուրք-ադրբեջանական հարաբերությունները բազմավեկտոր են և գտնվում են ռազմավարական բարձր մակարդակի վրա: Նրա խոսքով՝ Թուրքիայի և Ադրբեջանի միջև հարաբերություններում ամենակարևոր շարժիչ ուժը …

ԱՀ ոստիկանությունը հայտարարություն է տարածել՝ դեկտեմբերի 22֊ին տեղադրված «ԱՀ ոստիկանության անձնագրային և վիզաների վարչությունն իրազեկում է» վերնագրով նյութի վերաբերյալ: «Նյութի մեջ նշված է, թե ովքեր կարող են դիմել ԱՀ ոստիկանության անձնագրային և վիզաների վարչություն՝ անձնագրի օտարերկրյա պետություններում վավերականության մասին նշում կատարելու համար։ Հավելենք, որ Արցախի Հանրապետությունից՝ Հայաստանի Հանրապետություն մեկնել ցանկացող անձանց մասով որևէ սահմանափակում չկա»,- …

ՀՀ ՊՆ-ից տեղեկացնում են, որ հաստիքային զենքի տիրապետման հմտությունները կատարելագործելու նպատակով 4-րդ զորամիավորման զորամասերից մեկի հրաձգարանում զինծառայողների հետ դեկտեմբերի 22-ին անցկացվել է կրակային պատրաստության գործնական պարապմունք: Մինչ հրաձգության անցնելն անձնակազմը հրահանգավորվել է անվտանգության կանոնների պահպանման վերաբերյալ: Զինծառայողները գերազանց կատարել են առաջադրանքը՝ խոցելով կրակադաշտի բոլոր թիրախները։

Գյումրու «Շիրակ»-ի մի շարք ֆուտբոլիստների չեն շարունակի հանդես գալ ակումբում. այս մասին հայտնում է ակումբի մամուլի ծառայությունը: «Շիրակ» ֆուտբոլային ակումբից հեռացան Գևորգ Կասպարովը, Էմիլ Եղիազարյանը և Վարդան Բակալյանը: Ակումբը շնորհակալություն է հայտնել ֆուտբոլիստներին կատարած աշխատանքի համար և մաղթել նոր հաջողություններ նրանց կարիերայի հետագա ընթացքում: Հայաստանի ֆուտբոլի առաջնության` Պրեմիեր լիգայի 11 տուրերից հետո «Շիրակ»-ը մրցաշարային աղյուսակում …

2020 թվականի ձմեռային զորակոչը կմեկնարկի 2020 թվականի դեկտեմբերի 25-ից և կշարունակվի մինչև 2021 թվականի մարտի 31-ը ներառյալ։ Պարտադիր զինվորական ծառայության կմեկնեն արական սեռի այն քաղաքացիները, որոնց 18 տարին լրանում է մինչև 2020 թվականի դեկտեմբերի 31-ը ներառյալ, ինչպես նաև այն քաղաքացիները, որոնց շարքային կազմի պարտադիր զինվորական ծառայության զորակոչից նախկինում տրված տարկետումը դադարում է մինչև 2020 թվականի …

ՀՀ առողջապահական և տեսչական մարմինը Covid-անվտանգության ստուգայցեր է կատարել «Զվարթնոց» օդանավակայանում` մեկնման եւ ժամանման սրահներում։ ՀՀ ԱԱՏՄ Երեւանի տարածքային կենտրոնի մասնագետները որոշ թերություններ են նկատել։ «Ամենամտահոգիչ խնդիրը քաղաքացիների կուտակումներն են. երբեմն ժամանող ու նրանց դիմավորող քաղաքացիները խախտում են սոցիալական հեռավորության պահպանման պահանջը»,- նշվում է տեսչական մարմնի ֆեյսբուքյան էջում տարածած հաղորդագրությունում։

Հանրային խորհրդի նախագահ Ստյոպա Սաֆարյանը ներողություն կխնդրի լրագրող Թագուհի Ասլանյանից` հասցրած վիրավորական արտահայտությունների համար, և կվճարի 600.000 ՀՀ դրամ փոխհատուցում. հայտնում է լրագրողի փաստաբան Լուսինե Վիրաբյանը: «Շնորհակալ եմ դատավոր Զ. Նախշքարյանին` արդար դատական ակտ կայացնելու և ամուր նյարդային համակարգ ունենալու համար ?: Հ.Գ. Պարզաբանեմ, որ մասնակի բավարարումը վերաբերվում է փոխհատուցման պահանջին, քանի որ մեր կողմից …