27.10.2026 | 19:45
Հոկտեմբերի 27-ից 27 տարի անց․ Ջհանգիրյանը կոչով դիմում է գլխավոր դատախազին․ ՏԵՍԱՆՅՈՒԹ
ԱՄԷ-ից վերադարձող քաղաքացիների անձնագրային տվյալները հայտնվել էին հանրային տիրույթում
Հասարակություն
03.03.2026 | 12:38
Արաբական Միացյալ Էմիրություններում ՀՀ դեսպանությունը և Դուբայում ՀՀ գլխավոր հյուպատոսությունը տեղեկացրել են, որ մարտի 4-ին Մասկատ-Երևան թռիչքի տոմս ունեցող քաղաքացիների համար կազմակերպվում է անվճար տեղափոխում Աբու Դաբիից և Դուբայից դեպի Մասկատի օդանավակայան։
Հաղորդվում է, որ Աբու Դաբիից և Դուբայից մինչև Մասկատի օդանավակայան ճանապարհի տևողությունը կազմելու է մոտավորապես 12-ից 13 ժամ։
Որպեսզի քաղաքացիները կարողանան օգտվել տեղափոխման հնարավորությունից, նրանցից պահանջվում է գրանցվել Google Docs հարթակում։ Գրանցման ընթացքում քաղաքացիները լրացնում են իրենց անձնագրային տվյալները, հեռախոսահամարները։ Սրանք անձնական տվյալներ են, որոնց պաշտպանությունը պետությունը պետք է երաշխավորի, սակայն դրանք տեսանելի են բոլորի համար։
Ով է պատասխանատու քաղաքացիների անձնական տվյալների արտահոսքի համար և ինչ կլինի, եթե դրանք հայտնվեն երրորդ անձանց ձեռքում․ այս հարցերի վերաբերյալ փորձեցինք մեկնաբանություն ստանալ ԱԳՆ մամուլի ծառայությունից։
Մեր դիմելուց հետո անձնական տվյալների հավաքագրման տարբերակը փոխվել է․ այն այլևս հասանելի չէ բոլորին։
Անի Թամրազյան
